مساعده في تغيير البوجيهات

**bmya** · 13-11-2013 01:33 AM

السلام عليكم
مبدئيا انا بحب اي حاجه اعملها بايدي طالما اقدر اعملها
حاليا انا عاوز اغير البوجيهات انا كنت بروح للميكانيكي يغيرهالي مابتاخدش منه وقت وياخد 20/25 جنيه بصراحه حاسسها حاجه بسيطه اوي مش مستاهله ميكانيكي والمشكله كانت العده او مفتاح البوجيهات امبارح اشتريت المفتاح بتاع البوجيهات واشتريت البوجيهات وجبت اسبراي لتنضيف البوابه بالمره عشان بقالي فتره منضفتهاش وبصيت عليها لقيت متوسخه

دلوقتي هل في خطوات معينه لتنضيف البوجيهات ؟. يعني مثلا هل تفرق العربيه بارده ولا سخنه هل في حاجه معينه اخد بالي منها
بالنسبه لاني هنضف البوابه هل انضف الاول قبل تغيير البوجيهات ولا متفرقش
مستني الردود الجميله

**أحمد جودة** · 13-11-2013 10:45 AM

تنظيف البوابة يفضل قبل تغير البوجيهات

تغير البوجيهات سهل ممكن تنفخ مكان ترطيب البوجيهات بهواء مضغوط

**abokoko** · 13-11-2013 01:25 PM

ملحوظة
وانت بتركب البوجيهات - خلى بالك انك تلفه بايدك بسهولة الاول
وتتاكد انه ماشى بسلاسة
وبعدين تربط
لان ممكن مكان البوجيه القلاووظ يبوظ وتتضطر تفك وجه السلندر وتروح المخرطة
الموضوع مش كبير
بس محتاج حرص

**bmya** · 13-11-2013 02:29 PM

تمام تسلموا ياشباب بجد علر المعلومات القييمه دي يعني كده انا اول حاجه هنضف البوابه وبعدين هنغير البوجيهات بالنسبه لتنضيف البوابه انا نضفتها قبل كده عتزي من غير ايدل ليرن
بالنسبه لنوع البوجيهات هي ngk اصلي من شركه التوفيق بجبها بكود الموتور عامله ١٣٠