اي حد عندة استفسار يخص صالون السيارة والسروجي

**abokoko** · 14-11-2013 01:50 AM

شكرا لحضرتك

لكن
ازاى نفرق بين الخامة
بمعنى اننا عديمى الخبرة
وممكن نروح لواحد سروجى ويقول لنا ان الخامة الامريكى انها المانى ( كمثال )
وبالتالى نتعرض للغش فى الخامة
؟؟

**Mr.TarekAlex** · 14-11-2013 01:58 AM

المشاركة الأصلية كتبت بواسطة abokoko

شكرا لحضرتك

لكن
ازاى نفرق بين الخامة
بمعنى اننا عديمى الخبرة
وممكن نروح لواحد سروجى ويقول لنا ان الخامة الامريكى انها المانى ( كمثال )
وبالتالى نتعرض للغش فى الخامة
؟؟

1. ده بالنسبه للتايلاندي
بص حضرتك الخامه التايلاندي بظوافرك تحرك ايدك عليها تتخربش وظهرها يبان وممكن الجلد يطلع ولو شديته في اتجاه المط ال هو بيكون في عرض الجلد شده جامدة شويه المطة مش بترجع تاني

2. ده بالنسبه للاماني

الالماني الخامة بتاعتة سمك الجلد نفسه بدون قماش عالي اعلي من الامريكي بحاولي ملي ونص
بس خامة القماش مع بعض شركات الانتاج بتكون واحدة

3. الجلد الامريكي
بتبكون الجلدة طرية اوي ومهما تشد فيها مش بتتاثر وبترجع لطبيتعتها تاني بس هي في سمك خامه الجد نفسه اقل من الالماني

وبكرة باذن الله هصور لحضرتك ظهر الجلد الامريكي والتايلاندي والالماني عشان يبان الفرق اكتر وهحاول اوضح اكتر ليكم واسف علي الاطاله

**dr.hazem** · 14-11-2013 05:28 AM

هل من السهل تطويل حزام الامان؟؟؟
تحياتي

Sent from my Xperia Arc S using Forum Runner

**Mr.TarekAlex** · 14-11-2013 10:22 PM

المشاركة الأصلية كتبت بواسطة dr.hazem

هل من السهل تطويل حزام الامان؟؟؟
تحياتي

sent from my xperia arc s using forum runner

حضرتك تطويل الحزام مظنش علي حد معلوماتي بحزام الامان انه ممكن يطول لان بصراحه بقالي اكتر من 8 سنين سروجي عمري ما سمعت حد بيقولي نطول الحزام لكن نغير اه بس نطول ديه صعب حتي لو نطول مظنش انه ينفع ومش هيبقي بنفس كفاءة الحزام العادي

**Mr.TarekAlex** · 14-11-2013 10:26 PM

المشاركة الأصلية كتبت بواسطة carlans58

السلام عليكم لوسمحت يا استاذ عاوز اعرف تكلفة عمل فرش جلد بيج للانسر شارك و كمان تكلفة عمل السقف جلد وياريت نعرف مكان المحل

حضرتك بالنسبة للتكلفه هتختلف من خامه جلد واخري اما بالنسبه لرنجات مش هتتعدي ال 1200 ده طبعا بالنسبه للفرش اما السقف هيكون تكلفته 300 جنيه واوبرضه هرجع واقولك متقلقش من اتجاة الماديات اهم شئ الشغل يعجبك وسيب الماديات اخر حاجه مفيهاش اي اختلاف

اما عنوان المحل هو عمتا في اسكندرية بالنسبه لتفاصيل العنوان ممكن ابعت لحضرتك علي الخاص العنوان بالظبط لو حضرتك هتقدر تيجي اسكندرية

ومشكور علي المشاركة

**I10** · 15-11-2013 10:02 AM

فرش وارضيه hyundai i10
هيكلف كام ؟
وياريت العنوان بالظبط فين فى اسكندرية

تحياتى

**michohat** · 15-11-2013 01:01 PM

حضرتك هل من السهل بالنسبة لاي واحد انه يعمل ارضيه جلد للعربية

لاني بفكر اعمل ارضيه جلد لعربيتي الحاليه ( هيونداي نيواكسنت ) وانا من النوع اللي بيحب يشتغل بايده
فهل العملية هتكون سهله ولا الافضل اني ادي العيش لخبازه زي ما بيقولوا

والخامات اللي هشتغل بيها اجيب نوع ايه وازاي اخد المقاسات

**Mr.TarekAlex** · 15-11-2013 10:36 PM

المشاركة الأصلية كتبت بواسطة i10

فرش وارضيه hyundai i10
هيكلف كام ؟
وياريت العنوان بالظبط فين فى اسكندرية

تحياتى

الارضيه لن تتعدى ال 300
والفرش حسب الخامه ولن يتعدى سعره ال1200

**Mr.TarekAlex** · 15-11-2013 10:46 PM

المشاركة الأصلية كتبت بواسطة michohat

حضرتك هل من السهل بالنسبة لاي واحد انه يعمل ارضيه جلد للعربية

لاني بفكر اعمل ارضيه جلد لعربيتي الحاليه ( هيونداي نيواكسنت ) وانا من النوع اللي بيحب يشتغل بايده
فهل العملية هتكون سهله ولا الافضل اني ادي العيش لخبازه زي ما بيقولوا

والخامات اللي هشتغل بيها اجيب نوع ايه وازاي اخد المقاسات

بص حضرتك هو عمتا الارضيه 4 متر لارضيه بدون شنطه بالشنطة تعمل 5 متر
بس نصيحه مني بلاش انت تعملها لانك هتكلف الجلد وهتخسره لانك مهما حاولت عمرك ما هتعملها زي السروجي لان الخبرة طبعا مطلوبة ومتنساش انها برضه صنعه مش مخلل ده حتي المخلل الافضل بيشتروه من السوبر ماركت لانه بيكون اطعم والذ هههههههههههههه وبالهنا والشفا

الموضوع: اي حد عندة استفسار يخص صالون السيارة والسروجي

LinkBack

أدوات الموضوع

عرض

-

-

-

-

-

-

-

المواضيع المتشابهه

اي حد عندة استفسار يخص صالون السيارة والسروجي

كيف يمكن علاج الاصوات بداخل صالون السيارة

لازالة رائحة السجائر من صالون السيارة

سخنية داخل صالون السيارة

نظافة صالون السيارة

الكلمات الدلالية لهذا الموضوع

المفضلات

المفضلات

ضوابط المشاركة