البولو بتنتش تاني

**ra3d** · 13-11-2013 11:44 AM

من فترة العربية كانت بتنتش جامد لحد ما قطعت مياه و نور و اتضح انها طرمبة البنزين المهم جبت قلب ليها بعد ما كان الميكانيكي كان عايز يلبسني في طرمبة كاملة ب 1350 علشان مش عايز يفكاها او بمعنا تاني مش عارف فا جبت القلب الاماني ب 650 و خليتو يفك الطرمبة و اخذتها عن كهربائي غير القلب و غيرت البوجيهات عشان كنت شاكك فيها.... الكلام ده 25-9-2013

و من اسبوع حسيت بنفس التنتيش تاني و النهاردة نتشت وانا بسخنها فهل الطرمبة باظت تاني ؟؟؟؟ ولا ممكن العيب من حاجة تانية ؟؟

و هل الكشف بالكمبيوتر ممكن يعرف السبب ؟؟؟

**ehab_mansour** · 13-11-2013 12:40 PM

اولا اكشف كمبيوتر عشان تشوف فين المشكلة و محتمل متلاقيش ارورز فهتنقل لثانيا
ثانيا راجع علي دائرة الفاكيوم (اي خراطيم خارجه من المحرك من المانفول او اسفل بوابة الانجيكشن ) تأكد انهم مش مشقيين او بيسربوا هواء او مش راكبين كويس او او ... و كذلك حساس المانيفول فكه و نضفه
ثالثا راجع علي كابلات البوجيهات و تاكد ان اطرافها نضيفة و مافيهاش مشكلة

هل غيرت فلتر البنزين + فلتر الهواء ؟؟

انا كان عندي نفس المشكلة في عربيتي الكوردوبا و اللي محركها شبه تماما محرك عربيتك و كان عندي نفس التقطيع و اتحل مع الحاجات اللي فوق دي (تغيير خرطوم فاكيوم مشقق + تغيير وش +شاكوش للأسبراتير + تغيير فلتر بنزين + تنظيف بوابة الانجيكشن )

و اي سؤال في الخدمه

**ehab_mansour** · 13-11-2013 01:13 PM

المشاركة الأصلية كتبت بواسطة ra3d

حاراجع علي الحاجات دي مع العلم اني مغير فلتر البنزين و الهواء من قريب

شكرا علي المساعدة

تأكد من اتجاه الفلتر طالما انت مغيره قريب .... اتاكد انه اتجاهه صح كدخول و خروج للبنزين و مع اتجاه المؤشر اللي موجود عليه لنه كان معكوس عندي

**hamada_elzayat** · 13-11-2013 07:32 PM

لو النتشه بتزيد قوى وانت بتفرمل يبقى حاجه فى الفاكيوم او السيرفو كانت بتنتش جاااامد معايا عند الاشارت والفرامل طلعت كاوتشه بنص جنيه بتاعه السيرفو مقطووووووعه

**ra3d** · 14-11-2013 08:07 AM

المشاركة الأصلية كتبت بواسطة hamada_elzayat

لو النتشه بتزيد قوى وانت بتفرمل يبقى حاجه فى الفاكيوم او السيرفو كانت بتنتش جاااامد معايا عند الاشارت والفرامل طلعت كاوتشه بنص جنيه بتاعه السيرفو مقطووووووعه

لا النتشة مع كبس البنزين