الموضوع: ارجو الافاده فى عربيه 132 2000

السلام عليكم و رحمة الله و بركاته
كل عام و انتم بخير

عندى مشكله فى عربيتى اتمنى انكم تفيدونى فيها

العربيه اول ما تيجى تطلع بيها بعد فتره تكون واقفه فيها (باردة) بتطلع عادى جدا مافيش اى مشكله
لاكن بعد ما تمشى بيها مثلا ربع اونص ساعة و وقفت لا سبب من الاسباب زى الطريق وقف او اى حاجه
لما تيجى تطلع بيها بيكون فى دربكه جامده فى العربيه لكن لما بتطلع بتمشى عادى جدا
المشكله كلها فى الطلعه

مش عارف ممكن تكون المشكله فى ايه

الميكانيكى بيقولى ان المشكله فى الديسك و الاسطوانه لكن انا لسه مغيرهم جداد ما مشيوش 500 كيلو حتى

ممكن تكون المشكله فى ايه


و فيه كما ن ملاحظه تانيه
ان انا لو مشغل العربيه فى السرنسية بسخنها مثلا علشان امشى و فتحت الكبوت بلاقى الموتور بيتهز بصورة واضحة و بكلم الميكانيكى قالى عادى بس انا مش مقتنع


ممكن تفيدونى فى المشاكل دى لان حاسس ان الميكانيكى بيشتغلنى خصوصا ان دى اول عربيه لى و خلفيتى عن الميكانيكا زيرو

شكرا


م/محمد المغربى