السلام عليكم يا ناس يا عسل
النهاردة خلاص حجزت لوجان 2014 اوتو تقسيط و دة بعد مدعبست و دورت و اتعلمت كتييير من لوجانوية نايل موتورز
الاول رحت التوكيل لقيتها 95,500 و بعد كدة رحت عربيات لقيتهم عاملين عرض و بيبيعوها ب 93,000 المهم ملقتش اللون اللي انا عايزة و رجعت للتوكيل و قلت مش مهم الزيادة لقيته بيقولي الدفعة الجديدة كمان 3 اسابيع زعت و اتنكدت
المهم دخلت عشان ادور لقيت الناس في المنتدى بتقول محمد زكي (فرع فم الخليج) (mohamed zaky) و بتشكر فية اتصلت بيهم امبارح و قالي عندي اخر واحدة اللون اللي انا عايز و تقريبا الكمية خلصت من عند الموزعيين قولتله بتاعتي انا جايلك بكرة الصمح احجز
المهم الصبح رحتلهم و الحمد لله حجزتها على 93,500 و هدفع %50 و اقسط الباقي على خمس سنين مع بنك القاهرة و بنسبة %8.5 و إن شاء الله البنك يدينا الموافقة و نكمل الاجرائات ونستلم فوري
- سألت اذا كان عمود الاتزان (الاستبلايزر بار ) بينزل في الاوتو بس ......قالي لا في كلة ( مانيوال و اوتو)؟
- سألت اذا كان في شكل جديد هينزل..... قالي مش قبل 2015
- سالت هل قطع الغيار هتقل وتغلى..... قالي لا هي متوفرة و ممكن تكون ارخص من المنافسات للوجان و لما تيجي المرة الجاية هحضرلك البرايس ليست عشان تشوفها ( انا شايف من المنتدى انا الاسعار مش وحشة و الوكيل خدمتة حلوة ) إن شاء الله خير
محدش يبخل بالنصيحة
احكيلكم باقي التجربة مع الاستلام و الترخيص ان شاء الله
المفضلات