ان شاء الله هشتري كروز وفي أشد الحاجة للنصيحة

**memaid** · 13-11-2013 09:13 PM

انا ان شاء الله أدامي كروز اول فئة اتوماتيك رشة برة ماعدا سقف ماشية ٥٦٠٠٠ كم بيتكلم في ٨٧٠٠٠، وادامي كروزهاي لاين ٢٠١٠ فابريكة برة وجوه بس عاملة ١٠٨ كم وبيتكلم ٩٥٠٠٠ ة،بس انا قلقان من مشاكل الفتيس هل هي مشكلة عامة
وهل يمكن الكشف عن الفتيس اثناء الكشف على حالة العربية قبل الشراء،
وهل أفكر في العربية اللي عدادها اقل (عشان الفتيس)، أرجوكم مستني مساعدتكم عشان أخد قرار

وشكرا لتعاونكم

**Eng_hatemfathy** · 13-11-2013 09:33 PM

رأىى تعلى شوية فى الموديل وتقل فى الكيلو متر ولو تقدر تجيب كسر زيرو بالفتيس الجديد هيكون احسن لانى اكتشفت ان قطع غيارها غالية واعتقد ان محدش حمل فتيس
انا اعرف ناس معاهم 2010 ومفيش مشاكل بس قريت عن ناس تانيه حصلها مشاكل
فمن رأىى بلاش تغامر
انا بعد ما اتكلفت 3206 جنيه علشان اغير اكصدام عربية كورى لمجرد خبطة فيه من ورا من ملاكى
كرهت العربية وحسيت ان ده منتهى الاستعباط سواء فى التحمل(يعنى ايه الاكصدام يتكسر والجسر تحته يتعوج) او اسعار قطع الغيار ل(لما يبقى الاكصدام ب 1995 جنيه )
طب ليه!!!!!

**memaid** · 14-11-2013 02:20 AM

انا ان شاء الله هاكشف على العربية في ابو غالي وهعرف حالة الموتور
انا اتفرجت على عربية ما شاء الله فابريكة جوه وبرة بس الغريب ان اللي ببيعها مصمم يركبلها فرش جلد وانا رحت النهاردة لقيتها فاكك الكتب والكراسي و بيركب فرش ، هل ده طبيعي لو حد بيبيع

**mido** · 14-11-2013 11:07 AM

المشاركة الأصلية كتبت بواسطة elkordy2000

بصراحه الكروز مشكلتها في الفتيس واعتقد انها شكوي عامه وخصوصا انك هتشتري مستعمل خارج الضمان ,يعني الفتيس لو حصل فيه مشكله هتتعور جامد في الفلوس وهتزعل , انا كنت ناوي اجيبها من سنه مستعمل برده بس الميكانيكي واكتر من واحد قال لي بلاش , مشاكل الفتيس كتير وتكلفته عاليه جدا جدا حتي الاستيراد , فصرفت نظر وجبت اوبترا كسر زيرو برقبه الكروز بصراحه .... رأيي فكر تاني كويس

ازاي بس الاوبترا برقبة الكروز..في عرف مين يعنى :)

**Elkordy2000** · 14-11-2013 08:10 PM

المشاركة الأصلية كتبت بواسطة mido

ازاي بس الاوبترا برقبة الكروز..في عرف مين يعنى :)

في عرفي انا برنس , وفي عرف اي حد مايفرقش معاه الاوبشن الكتير اللي في الكروز واللي ممكن تكون مصدر ازعاج للكثير ., ده مش معناه ان الكروز وحشه اكيد لأ ., انما انا شايف ان الاوبترا اعتماديه اكثر, ماتور جبار متناسب مع بودي العربيه بعكس الكروز اللي هي هي نفس ماتور الاوبترا ., عافشه ممتازه تتناسب مع حواجز الخيل اللي في الشارع مش مع المطبات بس , فتيس مشاكله تكاد تكون معدومه , عاليه عن الارض علشان المطبات وده ميزة رائعه ., الدليل كمان علي كلامي شوف سعر اعاده البيع بتاع الكروز وشوف بيقع اد ايه ؟؟؟!!! وقارن بينه وبين سعر الاوبترا اللي ماسكه سعر

**mido** · 14-11-2013 11:04 PM

المشاركة الأصلية كتبت بواسطة elkordy2000

في عرفي انا برنس , وفي عرف اي حد مايفرقش معاه الاوبشن الكتير اللي في الكروز واللي ممكن تكون مصدر ازعاج للكثير ., ده مش معناه ان الكروز وحشه اكيد لأ ., انما انا شايف ان الاوبترا اعتماديه اكثر, ماتور جبار متناسب مع بودي العربيه بعكس الكروز اللي هي هي نفس ماتور الاوبترا ., عافشه ممتازه تتناسب مع حواجز الخيل اللي في الشارع مش مع المطبات بس , فتيس مشاكله تكاد تكون معدومه , عاليه عن الارض علشان المطبات وده ميزة رائعه ., الدليل كمان علي كلامي شوف سعر اعاده البيع بتاع الكروز وشوف بيقع اد ايه ؟؟؟!!! وقارن بينه وبين سعر الاوبترا اللي ماسكه سعر

علي فكرة الكروز مفيهاش اوبشنز عايز اوبشنز هات سيراتو
الكروز شاسيه اويل و بمقارنته ب الكوري من النوبيرا و الالنترا و السيراتو و الاوبترا فرق السما و الارض العربيات دي كانت معايا و مجربها كويس
عموما طالما مقتنع يبقي تمام :) احنا شعب يعشق الفرنا و يفضلها عن الستروين و الرينو

**Elkordy2000** · 15-11-2013 12:11 AM

المشاركة الأصلية كتبت بواسطة mido

علي فكرة الكروز مفيهاش اوبشنز عايز اوبشنز هات سيراتو
الكروز شاسيه اويل و بمقارنته ب الكوري من النوبيرا و الالنترا و السيراتو و الاوبترا فرق السما و الارض العربيات دي كانت معايا و مجربها كويس
عموما طالما مقتنع يبقي تمام :) احنا شعب يعشق الفرنا و يفضلها عن الستروين و الرينو

يا بيه انا بقارن الاوبترا اللي مفهاش اوبشن خالص بقارنها بالاوبشن اللي في الكروز زي الملتي فانكشن وحساسات المطر والضوء والبلوتوث وغيره وغيره واللي هي في الاساس متهمنيش اوي انا شخصيا لكن يهمني جدا الاعتماديه في المقابل زي مثلا الصيني ممكن يديك اوبشن كتير جدا وكمان ممكن شكل حلو بس الاعتماديه زفت والامثله كتير للأسف .., وده اللي بنسميه ثقافه الانتقاء حسب الحاجه واللي احنا كمصريين نفتقدها كثيرا ....
الستروين والرينو عربيات هايله جدا اعتماديه ورفاهيه اخر حاجه بس عايزه اللي يقدر يصرف عليها

**د.عماد صلاح** · 15-11-2013 04:08 PM

الاخ اللي بيقول ان الاوبترا برقبه الكروز ....انا فاهم قصده هو عايز عربيه قليله المشاكل و عمليه و مايفرقش معاه اوي الاوبشنز ...و بصراحه دي نفس طريقه تفكيري ...عايز عربيه تخدمني و تستحملني مش انا اللي اجري اخدمها

**د.عماد صلاح** · 15-11-2013 04:09 PM

فعلا الفتيس القديم فيه مشاكل ... و كمان جسم العربيه كبير علي الموتور ....يعني الموتور اللي شايل الاوبترا هو اللي كان شايل الكروز

الموضوع: ان شاء الله هشتري كروز وفي أشد الحاجة للنصيحة

LinkBack

أدوات الموضوع

عرض

-

-

-

المواضيع المتشابهه

ان شاء الله هشتري فيرنا

هشتري شيفروليه كروز 2010 مستعمله ومحتاج حد يسعرلي

أحتاج للنصيحة لشراء سيارة جديدة : ميجان أو كروز أو تيدا

إن شاء الله هشتري على أول 10 ...

الكلمات الدلالية لهذا الموضوع

المفضلات

المفضلات

ضوابط المشاركة