توكيل غسالات سامسونج: الأسوأ

**Dr Ahmed** · 13-11-2013 10:57 PM

-قصة مع منتج يحمل اسم سامسونج وضمان منصور

اشتريت غسالة 12 كجم اتوماتك ماركة سامسونج بضمان منصور - من 5 شهور تقريبا
من شهرالغسالة بدأت تخرف وتظهر بها عيوب
اتصلت بخدمة العملاء يوم 7 أكتوبر ووعدوا بإرسال الفنى خلال يومين
وصل البيه بعد 14 يوم بعد اتصالات عديدة
كشف البيه على الغسالة بطريقة بدائية تشمل الخبط والنظر من الزوايا .. المهم قال ان البوردة محتاجة تتغير ..
إمتى يا بيه؟ فى خلال يومين
وحتى الآن لم يتم تغيير شئ
اتصالات كثيرة وخناقات عديدة مع الموظفات والمشرفين
اتصلت بحماية المستهلك قالوا لى شئ ظريف جدا:
"الموظفة" المختصة بمتابعة الشكاوى تركت العمل من شهرين ومن يومها لا يتم متابعة الشكاوى
-------------
طبعا خلاص عرفت ان الضمان شئ وهمى وان خدمة العملاء اسمها خدمة تضييع وقت العملاء أو تخدير العملاء لكن أعمل إيه؟
إيه رأيكم أتصرف إزاى؟

**dedi** · 14-11-2013 12:06 AM

الواحد موش عارف يقول اية خدمة العملاء طلعت اى كلام و كذلك حماية المستهلك
انا راى تكلم المدير المسؤل فى حماية المستهلك وايميل محترم للشركة الام فى كوريا وارسل لهم صورة الفاتورة والضمان

**Dr Ahmed** · 14-11-2013 04:57 AM

نسيت اقول انهم بيقولوا البوردة غير متوفرة وانهم طالبينها من بره..
لو معندهمش بوردة امال عندهم ايه؟
وليه يسيبونى اكتر من سهر بغسالة بايظة بدون استبدال المنتج كالما مش عارفين يصلحوه؟

**السريع** · 14-11-2013 05:48 AM

د/احمد كلام دىدى صح جدا و نتيجته مضمونه 100 100
الحوار كان حصل معايا بس فى عربيتى, تقريبا نفس مشكلتك خدمه عملاء ولا ليها تلاتين لازمه و الحاجه الكانت بايظه بعتو يجيبوها من بره و نفس الموال دى هى حمايه المستهلك دى بتحرقهم اصلاها بس حاول تكون عارف حد جوه عشان يتابع الشكوى بتاعتك و ابعت الميل و ان شاء الله هاتتحل بس بينى و بينك الحوار مستفز يعنى شارى لسه ماكملتش 6 شهور و بيقولك اصل و فصل و مرئعه دول لازم يتسكوا سكه حلوه فى حمايه المستهلك عشان يعرفو يحترموا العميل شويه

**السريع** · 14-11-2013 05:54 AM

حضرتك جربت تجيب حد انتا واثق يكشف عليها اصل الراجل دا شكلو بيستهبل و بيستسهل و اهو اى فتى و خالاص على اساس العميل دا قاعد على تل فلوس ادفع ادفع عالم ذبااله و على فكره ممكن ميكونش بورده خالص, نصيحتى هات حد و اتاكد

**Mohamed_Hamid** · 14-11-2013 08:32 AM

اطلع على جهاز حماية المستهلك وقدم شكوى هناك مش بالتليفون. رئيس الجهاز كان جاى من يومين على cbc وعمال يقول شعر فى الجهاز لما نشوف بقى هيعملوا ايه.

**mmtronic** · 14-11-2013 09:32 AM

محدش يا جماعه يشترى اى حاجه ضمانها " منصور "

لا عربيات و لا اجهزه و لا اى حاجه مهما كانت الإغراءات

منصور دلوقتى تحس انه قطاع عام

**#MAAM#** · 14-11-2013 09:57 AM

للأسف ياصديقي مفيش خدمة عملاء أصلا في مصر ......... ياريت تتابع حماية المستهلك وياريت كمان تروح الشركة وأنا اسف اني بقولك تهلل وتعلي صوتك هناك وتبقى شغلتك هيه الغسالة لحد ما تاخد حقك

**Ahmed_Adham** · 14-11-2013 11:05 AM

والله يا جماعه كلها تجارب فرديه سواء ايجابيه أو فرديه وكل واحد وحظه عشان مفيش معايير ثابته في مصر ومفيش موظف أو مدير خدمه عملا في مصر كل يوم الصبح أول ما يدخل الشغل يشوف ايه اللي لسه متحلش عنده من امبارح ويتابعه مع القسم المختص وفي نفس الوقت يتصل بالعميل يقوله على تطورات الشكوى.