مرسيدس سي ال ايه الجديدة الصغيرة ولا اوبل انسيجنيا توب لاين

**aymansabry** · 15-11-2013 07:37 PM

السلام عليكم ... انا محتار حيرة شديدة جدا فى الاختيار للشراء بعد ما شفت الاوبل الانسجنيا الجديدة التوب لاين بجميع الكماليات الحديثة تقريبا ...ووسع السيارة الرهيب ووزنها و ثباتها و موتورها التيربو اللى بيتشغل ببنزين 92 و شكلها الفخم و بين العروسة الجديدة من مرسيدس واللى لسة ما نزلتش مصر بس حتنزل على ديسمبر دا ان شاء الله الشهر القادم.... المرسيدس ال السي ال ايه.... خليط بين السي كلاس وال ايه كلاس.... سيارة بشكل خرافى و بنفس حجم السي كلاس لكن بسحب امامى ولكن طبعا بكاماليات اقل بكثير جدا من الاوبل الانسيجنيا و اللى هيا طبعا فئه حجم اعلى من المرسيدس دى كفئة فوق المتوسط.... انا ميال للمرسيدس بس صعبان عليا اسيب كماليات التوب لاين خصوصا ان الاتنين بنفس الثمن (290 الف) دا لاول فئه للمرسيدس و اخر فئه توب لاين للاوبل..... مش عارف فعلا محتار

**eng.m7md.ali** · 15-11-2013 09:08 PM

مرسيدس و دفع امامي؟؟؟؟

عار علي مرسيدس والله .. بس ارجع وااقولك المرسيدس مرسيدس حتي لو كانت بسكلتة

**eng.m7md.ali** · 15-11-2013 09:09 PM

<P>بال 290 دول شوف سي كلاس كسر زيرو احسن علي الاقل ممكن تبقي c250</P>

**J A G U A R** · 15-11-2013 10:32 PM

شوف c180

**Abdo Taha** · 16-11-2013 12:02 AM

لو عايز اسم و شكل حلو المرسيدس طبعا و اكيد اداءها عالي اوي و دخلت شفت العربية على النت حلوة بصراحة كأنك راكب كوبيه و شكلها شبابي اوي بس خلي بالك هتضحي بالكماليات و الوسع و اكيد سعر قطع الغيار هيبقى غالي مووت لكن لو عايز كماليات بالهبل و فخامة من جميع النواحي ووسع يبقى اكيد الانسجنيا و على فكرة الانسجنيا شكلها جامد اوي بالذات التوب لاين لأن فعلا فاخرة من جوة بس كل واحد و ميوله و على فكرة الدفع الامامي لا يعيب السيارة بتاتا بالعكس بيدي العربية انطلاقة قوية الا اذا لو واحد عايز درفدات و تخميس يبقى اكيد دفع خلفي بس برضه انزل اتفرج على الاتنين و بالتوفيق ان شاء الله .

**aymansabry** · 16-11-2013 03:17 AM

هو فعلا الدفع الامامى دلوقتى بالانظمة الحديثة للاتزان اصبح لا يعيب السيارة بتاتا بالعكس... الا اذا كنت عاوز تعمل دريفتينج بالعربيه و دا طبعا مش حيحصل ان شاء الله ..... و للعلم انا قارنت بينها و بين السي 180 على النت فى الحجم لقيتها شكلا من الخارج اعلى شويه و اكبر بس الكنبة الخلفيه اصغر ( مش صغيرة قوى بس اصغر من السي 180) لكن من قدام اوسع... و برضه ارجع و اقول كسر الزيرو غير ماتجيب عربية على الزيرو خصوصا ان المر سيدس مش بينزل كتير فى سعرة عند اعادة البيع ...بس الزيرو زيرو.... صعب تدفع المبلغ دا و ما تستمتعش بعربيه زيرو برضه و تجازف بالمستعمل.... انا حيران فعلا لان الاوبل اوسع و اكبر بس اسم المرسيدس بيلعلع برضه

**aymansabry** · 16-11-2013 03:20 AM

بالنسبة لسمعة الانسيجنيا بالخارج زى الجنيه الدهب.... حتى انا كان ليا اصدقاء المان و كانوا بيشكروا فيها جدا لانها المانى 100 % و المصنع فى المانيا.... بس برضه اسم جنرال موتورز فيها و فى الموتور ... انا لما فتحت الكابوت شفت الاسم فى كذا حته

**Abdo Taha** · 16-11-2013 12:42 PM

المشاركة الأصلية كتبت بواسطة mmahdy90

مين عنده فكرة عن سمعة الانسجنيا خارج مصر ؟؟؟؟؟؟

سمعتها كويسة جدا محدش اشتكى منها ده الانسجنيا 2009 كانت واخدة جايزة افضل سيارة لهذا العام و كانت واخدة 26 جايزة ما بالك و لسة شايفها النهاردة بسم الله ما شاء الله احلى من c180 و ال 316 و فخمة بمعنى الكلمة و اللي مش مصدق يشفها و بالذات لو في الشارع العربية عريضة بجد و كفاية عرض الكاوتش بتعها انا معايا فكترا سي و بلمت لما شفت دي و كانت شكلها هاي لاين او توب لاين لأن الشبكة بتاعتها كانت كروم و كبيرة و لو ركبتها متقدرش تنزل منها الا لو على فئة خامسة و العالي منها كمان .

-

-

الموضوع: مرسيدس سي ال ايه الجديدة الصغيرة ولا اوبل انسيجنيا توب لاين

LinkBack

أدوات الموضوع

عرض

-

-

-

-

-

المواضيع المتشابهه

اسعار ومواصفات اوبل انسيجنيا 2015 (متجدد)

اوبل انسيجنيا تحصل على اعلى علامه للجوده...

اوبل انسيجنيا opc من 0-279

شيري / اسبرانزا - تطلق ماركتها الصغيرة الجديدة ! Faira صور + معلومات

تويوتا 4x4 الجديدة الصغيرة

الكلمات الدلالية لهذا الموضوع

المفضلات

المفضلات

ضوابط المشاركة