الموضوع: استهلاك البنزين في الصني

هو محدش معاه النيو صني ولا إيه ؟؟؟؟؟

المشاركة الأصلية كتبت بواسطة shiko8000

جوة البلد بيعمل معايا 12 لتر لكل 100 كم
يعنى تقريبا 160 كم فى الصفيحة ... لسة مجربتش برة البلد

ده الشكل القديم ولا الجديد ؟؟؟؟

180 ك فى الصفيحة داخل المدينة 2014 الشكل الجديد ولسه ماعملتش صيانة ال 1000ك وطبعاً بعد الصيانة تبقى أحسن إن شاء الله

سبحانك يارب زي دلوقتي السنه اللي فاتت كنت متسحول في البحث والتفحيص والتمحيص عن النيو صني عشان كنت ناوي اجيبها (بصراحه مش حباً فيها ولكن حدودي الماديه كانت محددالي اختياراتي بشكل كبير)
والموضوع ده كان من المواضيع اللي انا عاملها عشان تساعدني في الاختيار وفعلاً كنت هروح احجزها وليله ما في تاني يوم هصحى الصبح واروح احجز ربنا بعتلي اللي يقولي ابعد وفكر تاني
الغريب بقى ان رزقك مش هتاخد غيره مهما عملت
أنا حجزت بعد كده الصني الشكل القديم شهر كامل وبعد ما كان المعرض هيسلمهالي بعديها بـ 3 أيام العربيه سبحان الله أختفت من السوق شهر كامل مبتجيلوش نهائي في الاول كنت فاكره بيستعبط وان العربيه عنده وهو مش بيسلمني لكن بعد كده لما سالت اتاكدت ان العربيه فعلاً ناقصه في السوق بشكل كبير فضلت شهر كامل كده والاغرب بقى اني بعد ما سحبت فلوسي مفيش 3 أيام المعرض كلمني وقالي العربيه وصلت وممكن تيجي تستلم فوراً بس بصراحه كنت قفلت من العربيه وحسيت اللي حصل نتيجة الاستخاره
بعدها حجزت لانسر شارك وفضلت حاجزها 10 ايام بس لانها برضوا مش مكتوبالي لغيت الحجز بسبب ارتفاع اسعار قطع الغيار للانسر بشكل كبيير
وفي الاخر رسيت على الريو والحمد لله بس الواحد كل لما يفكر العربيات اللي كان بيفكر يجبها واللي حجزها بالفعل بيقول سبحانك يارب محدش بياخد غير اللي مكتوب له

الحمد والشكر ليك يارب على ما رزقتنا اللهم بارك لي فيه