الموضوع: شاسية 128 فتحححححححححححح

السلام عليكم و رحمة الله و بركاته "" يا جماعة ظهر عندى مشكلة مجننانى و خلت الدنيا عندى عكننه فى عكننه "" الحمد لله"" العربية عندى موديل 87 و كان فيها صوت زى طقطقة بسمعه فى الملفات واحد صحبى قالى دا كبالن او سوست روحت للعفشجى فتح الكبوت كان فيه فتح فى الناحية الشمال قالى روح لسمكرى اعملى و بعد كدا تعالى من اللحظة دى و العربية اتشلقب حالها مع انها كانت فل الفل و الحمد لله السمكرى لحمها و بعدها و انا مروحج العجلة الشمال فكت منى كان الباشا مربطش العجل كويس ..... المهم اتفشخت فى موضوع العجلة و كان لسه الصوت موجود الميكانيكى قالى دا كبالن عايزة تتغير فغيرتها و انا مروح بيها سمعت صوت ترزيع فى العربية و وقفت ركنتها ع جمب و الميكانيكى جه قالى ان الشاسية فتح و الاكس خرج بره العجل ركب ورده و قالى لو فتحت تانى روح لبتاع شسهات يبظطلك الدنيا عشان كدا العربية فتحه من تحت و فعلا مش عارف اعمل ايه ؟؟؟؟!!!!!!! بالله عليكم منتظر ردكم و جزاكم الله خيرا

المشاركة الأصلية كتبت بواسطة saddam

صديقي المواطن
إنت عايز النصيحة الحق ولا عايز النصيحة التلزيقية المتلزقة بشريط لحام
النصيحة الحق إنك تبيع ال 128 وبفلوسها تاخد عربية أحسن منها بكتير ﻷن ال 128 عربية مرغوبة للأسف وأي جنيه من وجهة نظري فوق ال 600 جنيه في العربية دي حرام وما شاء الله فيه عربيات 128 بتعمل من 11 ألف وحتى 22 ألف فبيعها وشوف البدايل كتير
أما الحلول التلزيقية
العربية تروح لسمكري نظيف وليس بتاع شكمانات وحيخيطلك الشاسيه خياطة ثم يركبلك مفصلات تقوية يجمع بيهم شاسيه العربية بصواميل ضخمة وشكل شيك جدا يبان كأنها نازلة من بلادها كده
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

شكرا أخى المواطن "" 128 سيارة الشعب"" هو انا جبتها كان المفروض انها ع الشعرة و حالتها ممتازة بس فتحت الشاسية ده غير الدنيا خالص و دلوقتى بدور ح حد بتاع شاسية كويس