الموضوع: مدينة العبور حي الشباب...معقوله؟!!

وعليكم السلام
الخبر صحيح للأسف وهتلاقيه حضرتك مؤكد في جروب "أهالي مدينة العبور وشكواهم" والعبور الحالة الأمنية متردية جدا وبهوات القسم قافلين الطريق أمامه ومش شايفين شغلهم ولا ليهم أي لازمة والعبور الآن أصبحت مرتعا للبلطجية والباعة الجائلين والتكاتك اللي بييجوا من مدينة السلام والنهضة وحوداث سرقة السيارات منتشرة جدا جدا وصديقي وجاري اتثبت بالسلاح وهو رايح شغله في طريق المصانع زي ما وضحت بالموضوع اللي اتقفل وواحد بيصلي العصر في مسجد مخلوف طلع ملقاش عربيته ! وواحدة على الشارع الرئيسي أمام النادي مباشرة ركنت عربيتها وطلعت ونزلت بعد خمس دقايق ملقتش عربيتها ! وكل يوم نسمع عن حادثة سرقة أو سطو مسلح لأن البهوات مش فاضيين غير للدقون والبلالين الصفرا وحسبنا الله ونعم الوكيل

المشاركة الأصلية كتبت بواسطة amro_on

معقوله العبور!
أنا طبعا عشان شغلي فمش متابع اللي بيحصل...انت كده هتخليني اغير نظام حياتي تماما...بس أنا بخرج بليل وبلاقي عربيات كتيره ماشيه عادي ولا هو حي الشباب بس :(

أكيد العربيات مش هتبطل تمشي يعني :)
بس ولا تغير نظام حياتك ولا حاجة لأن المشكلة مش في العبور بس للأسف ولا في حي الشباب بس المشكلة في مصر كلها اللي مبقاش فيها أمان بسبب تجرأ البلطجية وفجورهم اللي ساعد عليه تخاذل الشرطة وعدم قيامهم بواجباتهم وانشغالهم بأمور سياسية أخرى
قبل ما تنزل من بيتك قول دعاء الخروج ، وانت بتركب سيارتك قول دعاء الركوب ، وانت مسافر قول دعاء السفر وواظب على أذكار الصباح والمساء وثق أن الله هو الحامي والحافظ وربنا هيحصنك من شر كل ذي شر