شيفورليه اوبترا ولا كيا ريو

**mhkorayem** · 17-11-2013 11:37 PM

ايه رايكم شيفورليه اوبترا ولا كيا ريو
الاتنين نفس الوبشن تقريباً

الاوبترا
- ارخص 6000 جنيه
- مساحه أكبر
- سنتر لوك وانذار ومفتاح ريموت
- فوج لايت
- بها مأشر حراره (غير موجود بالريو)

الريو
- شكل أجدد وتابلوه أشيك
- أيموبليزر ( بس مش متأكد موجود في أول فئه ولا لأ)

إيه رايكم مين أحسن؟؟
ولو أنا ناسي حاجه فكروني وقولولي رأيكم

**saddam** · 18-11-2013 01:49 AM

صديقي المواطن
نظرا ﻷن سنة الحياة هي التقدم للأمام وليس الرجوع للخلف فقولا واحدا تاخد ريو من غير تفكير الشكل الجديد ﻷن اﻷوبترا كشكل صار قديما وأكل عليه الدهر وشرب ولم تعد تصلح حد يتباهى بيها ويقول أنا راكب عربية ولكن كقطع غيار فاﻷوبترا أكثر بقليل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**Batman372** · 18-11-2013 02:27 AM

كيا ريو 2014 افضل ...
لان ببساطه كيا كل يوم فى تقدم مزهل ... و كل موديلات 2014 الجديده غير الموديلات القديمه فى كل حاجه ...
الاوبترا هى هى من 2006 !!! و فرق الفلوس لا يستاهل التوفير ...
تحياتى ...

**M I D O** · 18-11-2013 09:58 PM

لا دي ولا دي بيجو 301 افضل ولو انت عاوز مقارنة بين دول بس يبقي الريو تتفوق في نظري

**J A G U A R** · 18-11-2013 11:43 PM

ريو افضل

**J A G U A R** · 19-11-2013 04:41 PM

المشاركة الأصلية كتبت بواسطة mhkorayem

أنا نسيت أوضح أن أنا بتكلم على الريو أول فئه وكيل
ودي في الوبشنز أقل من الأوبترا
والأبترا أكبر حجماً وأعلى عن الأرض
وعلى حسب ما فهمت من مهندس أشتغل في شيفورليه وشغال دلوقتي في كيا أن الريو استهلاك البنزين فيها أعلى رغم انها 1400 سي سي وتكلفه الصيانه فيها أغلى وأن الأوبترا انعم عشان عفشة الريو ناشفه
غير أن الريو مفيهاش مؤشر حراره وده أنا قلقان منه يعنى لو العربيه سخنت لاي سبب مفيش غير لمبه هتنور ومش هتبقى عارف هل هي سخنت حاجه بسيطه وتقدر تكمل مشي لحد ما تظبطها ولا مينفعش ولو لا قدر الله لو اللمبه دي باظت ولا أتحرقت ولا مشتغلتش لاي سبب مش هتعرف غير وانت جايب وش سلندر لا قدر الله (موضوع مقلقني بصراحه)

لو ريو اول فئه يبقى خليك مع الاوبترا اضمن .. واعتماديتها افضل من الريو.

**mhkorayem** · 07-11-2014 12:08 AM

كنت بقلب في مواضيعي القديمه لقيت الموضوع ده فقلت مينفعش بعد ما تعبتكم بالسؤال لازم اشكركم دلوقتي ولو انها متاخره شويتين تلاته (النهارده الذكرى الشهرية السابعه على الاستلام ) وخاصة اني أخدت بنصيحتكم وجبت الريو بس 2 فئه زي ما نصحتوني باني بلاش اجيب اول فئه عشان فاضيه
وحبيت برضوا اوضح نقطتين
الاولى ان استهلاك البنزين كويس اوي ومش عالي زي ما المهندس بتاع التوكيل قال لي أنا مش بكدبه بس من الواضح ان شركه كيا ظبطت النقطه دي عن الاول والحمد لله
تاني حاجه ان موديلات ما بعد 2013 بقت كلها فيها مؤشر الحراره ودي كانت نقطه مضايقاني في الريو بس الحمد لله كمان شركه كيا حلتهالي عشان بصراحه كانت فارقه معايا
شكراً ليكم جداً وشكراً لشركه كيا اللي حلتلي مشاكلي مع العربيه اللي كانت قلقاني اجيبها والحمد لله

-

الموضوع: شيفورليه اوبترا ولا كيا ريو

LinkBack

أدوات الموضوع

عرض

شيفورليه اوبترا ولا كيا ريو - انشر الموضوع فى :

-

-

-

-

-

المواضيع المتشابهه

سؤال عن شيفورليه اوبترا 2012

للبيع - شيفورليه اوبترا 2009

انترا ولا شيفورليه اوبترا

صور شيفورليه اوبترا 2009

شيفورليه اوبترا...............

الكلمات الدلالية لهذا الموضوع

المفضلات

المفضلات

ضوابط المشاركة