رقم العضوية : 57770
تاريخ التسجيل : 03Jan2010
المشاركات : 54
النوع : انثى
الاقامة : https://t.me/pump_upp
السيارة: 89646794437
السيارة[2]: ?????
دراجة بخارية: ????
الحالة :
السلام عليكم ورحمة الله وبركاته
اخواني الكرام..
حصل عندي ان كسر لرمانة بلي في العربية ومنها حصلي مشكلة في البوجيهات..
المهم رحت للراجل وفتحنا الماتور اول مره وقالي انه بدل ما يجيب بوجيهات مش اصلية عدلي البوجيهات طبعا بعد تغيير الرمانه..
بعد التصليح صوت الماتور عالي.. بعد مال العربية تمشي مسافة.. يعني اول ما بدور العربية لو كانت بارده مفيش مشاكل فيها وصوتها عادي.. بس بعد ما امشي مشوار زي مثلا 10 كيلو الصوت بيبقى عالي وفيه تكتكه..
ده الصوت اهو..
https://soundcloud.com/amr-hamdy-10/r20131110-200112
احب اوضح حاجه قالهالي الميكانيكي بسبب الصوت ده..
انا كنت بقالي كتير جدا ماغيرتش زيت العربية لحد ما وصل الحال ان الزيت بقى اسود ولزوجته قلت جامد لدرجة انه كان بيتصفى بالعافية واضطر يحط مرتين زيت.. اول مره وصفاه وتاني مره اللي ماشي بيه..
لما سالت الراجل على الصوت قالي عشان الزيت كان وحش جدا ومرتين تغير زيت ويبقى الصوت تمام..
ايه رايكم في الكلام ده لان الصوت بتاع العربية مستفز..
ملحوظه.. العربية باراتي موديل 2005 .. ماشية 60-65 الف كيلو..
اتمنى الاقي رد يريحني لاني فكرت اروح بيها التوكيل.. بس مقلق من نصبهم..
رقم العضوية : 134754
تاريخ التسجيل : 10Feb2013
المشاركات : 150
النوع : ذكر
الاقامة : المنصورة
السيارة: نوبيرا
السيارة[2]: شاهين
الحالة :
تجربتي الشخصية مع صوت التاكيهات انه فعلا راح بعد تغيير الزيت مرتين مع اني مكنتش مقتنع بالحكاية دي لكن فعلا دة اللي حصل معايا
المفضلات