اي سؤال عن الدبرياج ان شاء الله مستعد للاجابة

**ياسر ابراهيم** · 20-11-2013 05:32 AM

المشاركة الأصلية كتبت بواسطة kh_fawzy

انا مغير طقم الدرياج تقريبا من 5 شهور

اخ فوزي بتحس بنتيش و السيارة واقفة ؟
طيب لما تدعس دبرياج علي اﻻخير بيروح الصوت
لما تدوس علي الدواسة الدبرياج بيفصل فوق ام فالمنتصف ام تحت؟
ام صعوبة لما تحط غيار؟
انت غيرت ايه بالظبط ترس الفﻻم (الفﻻي ويل ) و الاسطوانة و الدسك
طيب الصنايعي كشف علي شوكة البلية ﻻنها احيانا بتتاكل
اصلي المشكلة دي ممكن تتشابة مع مشاكل كتير زي كهربة انجكشن ....الخ

**kh_fawzy** · 20-11-2013 12:26 PM

مافيش اى مشكله والعربيه واقفه بس المشكله ساعات والدنيا زحمه باباقى عايز امشى على الاولانى مسافه طويله فالعربيه اكنى مديها الغيار التانى مش الاولانى
انا غيرت طقم دبرياج كامل دسك واسطوانه وبليه
شكرا جدا لاهتمامك

**mody112** · 20-11-2013 12:55 PM

السلام عليكم
انا الدبرياج عندى تقيل جدا ولازم تدوس للاخر عشان الغيار ميعضش + انى لما بهدى وادوس دبرياج وفرامل عشان انقل للغيار الاولانى مثلا بلاقى ان موشر الاrpm بيكون تحت الواحد (وانا ممور مثلا والعربية ماشية او واقفة ) واول ما ادوس الدبرياج والفرامل بلاقى الموشر يرتفع لغاية 1.2 ولما اسيب ينزل لل 1 وبعدين مع السرعة يبتدى يتحرك طبيعى

**nab!l** · 20-11-2013 01:13 PM

استرا 1200
الدبرياج بيكون مظبوط وخفيف جدا وتمام ولكن مع المشى لما العربيه بتسخن بيتقل جدا وبيعلى عن مستواه الطبيعى ؟؟
وشكرا ,,

**ياسر ابراهيم** · 20-11-2013 07:57 PM

المشاركة الأصلية كتبت بواسطة kh_fawzy

مافيش اى مشكله والعربيه واقفه بس المشكله ساعات والدنيا زحمه باباقى عايز امشى على الاولانى مسافه طويله فالعربيه اكنى مديها الغيار التانى مش الاولانى
انا غيرت طقم دبرياج كامل دسك واسطوانه وبليه
شكرا جدا لاهتمامك

يعني معني كﻻمك الغيار اﻻول بيضعف في الزحام و الوقوف المتكرر
Plate او الدسك ضعيف او ممكن مش اصلي و مشكلة الدسك المضروب بتكون تخانة الشوك اقل من اﻻصلي و صﻻبة الحديد مش كد كدا
دلوكتي قدامك حلول
الاول تغير دسك يكون اصلي و مقوي ﻻما مراية ترس الفﻻم تنزل مخرطة تتساوي و تخرط من مكان ثبيت الدسك علي مراية ترس الفﻻم و تخرط اقل من مراية الفﻻي ويل حول 0.8 مم
ﻻما تخانة تيل اﻻسطوانة اقل من المطلوب
للاسف في مصر مفيش صنايعة متخصصة ديبرياج و ﻻ حتي في تيل اصلي
خﻻصة القول الدسك اما ضعيف او تيل اﻻسطوانه نحيف

**ياسر ابراهيم** · 20-11-2013 08:20 PM

المشاركة الأصلية كتبت بواسطة nab!l

استرا 1200
الدبرياج بيكون مظبوط وخفيف جدا وتمام ولكن مع المشى لما العربيه بتسخن بيتقل جدا وبيعلى عن مستواه الطبيعى ؟؟
وشكرا ,,

اوﻻ مفهمتكش يعني ايه يعلا عن مستواه ؟
و مع ذلك لو كان دواسة االدبرياج بتفصل بمجرد ماتضغط برجلك مسافة بسيطة ممعناه تيل اﻻسطوانة خلصان اما لو بيفصل في النصف ﻻحدما كويس اما لو بيفصل لما تضغط تحت خالص يبقي اﻻسطوانة تمام التمام
مسئلة عﻻقة سخونة العربية بتقل العربية ﻻبد انك تغير تيل اﻻسطوانه باﻻضافة تساوي مراية الدسك و مراية الفالون اي الفﻻي ويل daul mass flywheel
ﻻزم جميع مري الدبرياج متساوي تقويس عشان تكون قوة تﻻصق الاسطوانه مع الفالون ممتازة

**ياسر ابراهيم** · 21-11-2013 07:29 AM

المشاركة الأصلية كتبت بواسطة aboomar22

جزاك الله خير ياباشمهندس ياسر اولا يعنى ايه دبرياج سبورت ---سؤالى بقى مع الضغط على الدبرياج بسمع صوت تزييق فى الدواسة السيارة نوبيرا دبرياج باكم مش واير وشكرا جزيلا

https://app.box.com/s/7fv5tpp4ce5az9m1c2ym
دة رابط لبعض صور الشغل قبل و بعد التجديد

**BlueNova** · 23-11-2013 05:38 AM

انا كمان عندي في السواقه في الزحمه الدبرياج بيتقل جدا وساعات لما اشيل رجلي خالص مش بيفصل واحس ان الدواسه بتلعب كدا " جزء بسيط اول الدوسه " واحس ان العربيه مخنوقه وفجأه يفصل والعربيه تسحب .. خزنه الدبرياج مش بتجيب زيت ومتغيره من فتره والعربيه نوبيرا

**Ahmed_Ramadan** · 23-11-2013 10:10 AM

أنا عندى مشكلة بعد أما غيرت طقم الدبرياج هو فاليو و العربية كيا سيفيا .... من بعد ما غيرت الطقم و فيه رجة على الأول و لازم أسند سنة بنزين فى الطلعة علشان أتغلب عليها و فيه ونة على الخامس بتروح أما بدوس دبرياج و دلوقتى بقيت على الرابع و الخامس

مع العلم إن السحب كويس جدا .. أنا شاكك فى إن الطقم ركب غلط و الميكانيكى بيقولى الطقم مضروب؟

**ياسر ابراهيم** · 23-11-2013 11:58 AM

المشاركة الأصلية كتبت بواسطة BlueNova

انا كمان عندي في السواقه في الزحمه الدبرياج بيتقل جدا وساعات لما اشيل رجلي خالص مش بيفصل واحس ان الدواسه بتلعب كدا " جزء بسيط اول الدوسه " واحس ان العربيه مخنوقه وفجأه يفصل والعربيه تسحب .. خزنه الدبرياج مش بتجيب زيت ومتغيره من فتره والعربيه نوبيرا

اخي العزيز
اولا افحص مفصلة دواسة الدبرياج و فيها جزء بترقلش رقلشة و كمان افحص سوسته ترجيع بدال او دواسة الدبرياج
ثانيا لو كان الدبرياج بيفصل علي العالي او يمجرد تضغط علي الدواسة بحاجة بسيط معناها تيل الاسطوانه منتهي
ثالثا ياريت تغير البلاتوه اي الدسك plate . ولو هتغيره جديد اوكي لو هتشتريه مستعمل نزله مخرطة وساوسيه هو و مراية الفلام او flywheel. وغير تيل الاسطوانه و بالمرة شحم البليه
رابعا حاول وانت واقف في الزحمة خليك علي المور يعني متديش الاول و دايس دبرياج لانة اثناء الضغط علي الدبرياج بيسخن البلاتوه اي الدسك

ارجو ان اكون افتك وفي رعاية الله و لو اي استفسار خدامك