فيه اى بنزينة بتكشف على عربيات فى الهرم ؟

**mido** · 19-11-2013 02:40 PM

لو حد يعرف بنزينة بتكشف على العربية و تشوف لو فيها حاجة قبل الشراء
وشكرا يا رجالة

**A.Saad** · 19-11-2013 02:46 PM

شل بجوار الخزان

**احمد المصرى** · 19-11-2013 03:28 PM

شل جوار الخزان بس تجربتى معاها وانا ببيع عربيتى مكنتش مرضيه مع انى انا البائع بس مكنتش مرتاح خالص

**SAMEH_FOUAD** · 19-11-2013 08:56 PM

نصيحة منى ماتروحش لاى بنزيينة فى شارع الهرم

كلهم تعبانين , خد العربية ورح عند المتخصص بتاعها وهو افضل واحد يكشفلك عليها , او توديها لسمكرى محترف

**حماده المصري** · 20-11-2013 02:54 AM

وانا ببيع عربتي رحت لهم

طلعوا العربيه كلها فبريكه بتناء على جهاز تعبان بينور اخضر لما العربيه تكون فبريكه وكنت راشش اكصدام طلعه فبريكه ورفرف طلعه برضو فبريكه بس بالعين المجرده بان انه راشش

عندهم جهاز كبس متور اعتقد الجهاز ده كويس طلع كبس المتور عالي بس محددش النسبه او حدد وانا مش فاكر مع انه كان ماشي 160 الف ولكن بيفك البوجيه ويط مكانه حاجه واجي ادور وفيه مقياس اعتقد جهاز كويس

كشف العربيه من تحت يعتقد على الخبره الشخصيه لانه مفيش اجزاء ممكن يتكشف عليها بجهاز في الشاسيه الا الزوايه فقط ومالهاش علاقه بالشاسيه ولكن ممكن توضح لك في زراجين كتير في عجل مرحل بطريقه مش طبيعيه وده شيء كويس انك تعرفه واعتقد الزوايا عندهم مش اد كده الحقيقه

ف افضل لك انك تحاول تكشف عليها عند سمكري او ميكانيكي خبره يبقى افضل لك وسيب البنزينه لكبس المتور بس