الموضوع: بجد الجولف عربية تستحق الاحترام

انا لسه جديد في الفولكس ومن ساعة مشتريت العربية وانا كنت بظبط فيها ومجربتهاش عالطريق قبل كده كفرامل وسرعة وثبات وانا بصراحة مش من هواه الجري بس بحب لما اجيب عربية اعرف امكانياتها واجربها كده لمرة واحدة وخلاص كنت ماشي النهارده علي مصر اسماعيلية الصحراوي ولقيت مرسيدس c200 تقريبا ماشية بسرعة شوية وكانت مفيمة شكلها كده بتاعة شاب قولت اشد معاه و اهي فرصة لما اجرب العربية المهم جريت عديت منه شوية وهديت ورجع عدا مني شوية وهدي وهكذا المهم رجع شد تاني 140وانا وراه 150 وانا وراه لحد 210 وانا لسه وراه مباشرة بيني وبينه مفيش كام متر ومرة واحدة لاقيته ام كاسر شمال وانا طبعا مش شايف حاجة منه لانه مفيم واذ افاجا بعربية نقل في وشي مباشرة ومفيش وقت ولا مسافة عشان افاديه المهم مسكت فرامل عالاخر العربية جت يمين فشمال مرتين وعدلت نفسها تاني الحمد لله وكان فاضل تقريبا متر او اقل علي الدوبل بتاع النقل وهدخل فيه بس الحمد لله ربنا ستر وعرفت الم نفسي فالوقت المناسبوالحمد لله ربنا نجاني وحلفت اني ولا اجرب ولا انيل حاجة تاني تولع العربية قصاد ان الواحد يموت نفسه بس الحق يقال انا احترمت العربية جدا وفعلا الالماني الماني العربية جولف 4 مو 2003 1600

المشاركة الأصلية كتبت بواسطة yasserelsayad

الحمد لله ربنا ستر
بس ابقى خلى بالك واجرى مع عربيات نفس امكانيات عربيتك عشان متقعش فى مواقف زى دى
والمرسيدس لو c200 الجديدة يبقى هو كان بيلعب معاك او مش بيجرى كمان وانت اللى سخنت لان معلش استحالة تبقى قريب من الـ c200 بعربية 1.6 موديل 2003 ولا حتى 2014

المرسيدس ال shape القديم تقريبا 2002-2003