الموضوع: مشكلة في وحدة رفع الشباببيك

الاول شوف اى اعاقه لمجرى الزجاج اثناء رفعه يعنى فيه تقل او حاجه تعيق رفع الزجاج
ولو عندك بودره تلك حاول ترشها فى مجرى الزجاج فى الابواب بين الكاوتش بتاع الاجناب وارف الزجاج ونزله اكتر من مره ليكون سلس معاك وفيه ناس بتحط بيريل منظف بدل بوده التلك لكنى افضل البوده
اعمل كده ورد علشان نشوف المشكله منين هل هى عائق ولا المشكله فى ازرار الزجاج من ناحيه السائق
او فك مجموعه الزراير ناحيه السائق ونضف الريش النحاس هتتظبط ان شاء الله

كما قال لك البشمهندس سلامه فى الصيدليه

لفك زراير الزجاج هتلاحظ ان المقبض مقسوم لنصفين نصف علوى ونصف سفلى كما بالصوره





ستقوم بشد الجزء العلوى بيدك كما فى الصوره يفضل باليد
وان لم تستطع ضع بينهم شىء مبطط ممكن مفك ولكنه ممكن يجرح مكانه انا عامل عندى معلقه طعام مبططها من قدام لمحاوله فك اى شىء قريب من هذا بدون تجريح فيه




بمجرد فكها هتلاقيها بفيشه قم بفك الفيشه من الباب





هتلاقى الجزء اللى شبه ده بقى فى ايدك حر هو ده اللى هنفكه لما تقلبه هتشوفه بالمنظر ده ولاحظ مكان الاسهم
مكان الاسهم هو كلبسات علشان تفكه منهم ستضع مفك مبطط وتحاول تبعد الكليبسات من بعضها يكفى جانب واحد لفك المجموعه




وانت بتفكها بحرص لانك هتلاقى جواها ريش نحاس بتكون مصديه من اثر الغسيل ستقوم بتنظيف الريش من الصداء ولو عندك wd رش رشه خفيف ونشف وبعدين ركب تانى كل شىء مكانه ان شاء الله تشتغل معاك تمام