سؤال بخصوص Nissan Juke

**gundal** · 20-11-2013 05:54 PM

السلام عليكم ..

اولا أنا قريت مواضيع كتير عن العربية هنا في المنتدى ومش عارف أشكر مين ولا مين على المعلومات المفيدة ..

لو سمحتم بخصوص Nissan Juke

لون أبيض وكاملة سعرها كام دلوقتي ؟ لإني لاحظت إنها بتغلى للأسف ..

وهل حد ينصحني بمكان للاستلام الفوري ؟

هل من نصائح اخرى؟؟

**mem** · 20-11-2013 09:35 PM

الصراحه مش عارف السعر كام دلوقتى
بس بالنسبه للاستلام الفورى عندك السبع اللى فى 18 شارع الحريه مصر الجديده
عنده تسليم فورى

**gundal** · 20-11-2013 11:41 PM

المشاركة الأصلية كتبت بواسطة mem

الصراحه مش عارف السعر كام دلوقتى
بس بالنسبه للاستلام الفورى عندك السبع اللى فى 18 شارع الحريه مصر الجديده
عنده تسليم فورى

شكرا جزيلا على المساعدة .. إن شاء الله هحاول أشوفه في أقرب فرصة ..

**k50_** · 21-11-2013 02:45 PM

العربية كدا كدا مش بينزل منها غير فئة وحدة , من غير جي بي اس او فتحة سقف , الي بينزل بفتحة سقف هو الخليجي , والجي بي اس والسينسور دي اكسسوارات .
تمن العربية بالحجز واستلام بعد 3 شهور 172 الف تقريبا , تزيد او تقل الف الفين.
استلام فوري هتدفع حوالي 180 الف ممكن تزيد الف الفين بردو.

لو مش مستعجل اعتقد انك ممكن تحجز افضل , انت اولي بالعشر تلاف او تحطهم كماليات ف العربية.

**Sharky** · 21-11-2013 02:49 PM

السيارة تمنها حجز 3 شهور 177 الف
فورى من 183 - 185 الف

**k50_** · 21-11-2013 02:53 PM

نصيحة : حاول تسئل الاول علي اسعار قطع الغيار , الاسعار قريبة من نيسان مورانو غالية مش رخيصة , ال life time بقطع الغيار الي شوفته لحد دلؤت مش معمر , تيل الفرامل بيتغير علي 20 الف وده الفبريكة ف حاجة مش ظريفة .
لسة نشوف الصيانة الجاية ايه الاخبار .

**gundal** · 21-11-2013 09:54 PM

المشاركة الأصلية كتبت بواسطة k50_

العربية كدا كدا مش بينزل منها غير فئة وحدة , من غير جي بي اس او فتحة سقف , الي بينزل بفتحة سقف هو الخليجي , والجي بي اس والسينسور دي اكسسوارات .
تمن العربية بالحجز واستلام بعد 3 شهور 172 الف تقريبا , تزيد او تقل الف الفين.
استلام فوري هتدفع حوالي 180 الف ممكن تزيد الف الفين بردو.

لو مش مستعجل اعتقد انك ممكن تحجز افضل , انت اولي بالعشر تلاف او تحطهم كماليات ف العربية.

شكرا جزيلا على المساعدة والرد وفعلا كلامك صحيح أنا اولى بيهم .. طيب متعرفش الاقي الخليجي فين ؟ وإيه أحسن معرض أتعامل معاه في رأيك ؟ انا للأسف واحد صاحبي سأل في السبع قالوا ب 190 ألف مش عارف إزاي

**gundal** · 21-11-2013 09:55 PM

المشاركة الأصلية كتبت بواسطة sharky

السيارة تمنها حجز 3 شهور 177 الف
فورى من 183 - 185 الف

دي عمالة تغلى في ثواني .. أنا خايف بعد سنة أجيب كورولا بثمن بي إم دبليو :(

شكرا جزيلا على المساعدة ^_^ .. تنصح بمعرض معين؟

**gundal** · 21-11-2013 10:00 PM

المشاركة الأصلية كتبت بواسطة k50_

نصيحة : حاول تسئل الاول علي اسعار قطع الغيار , الاسعار قريبة من نيسان مورانو غالية مش رخيصة , ال life time بقطع الغيار الي شوفته لحد دلؤت مش معمر , تيل الفرامل بيتغير علي 20 الف وده الفبريكة ف حاجة مش ظريفة .
لسة نشوف الصيانة الجاية ايه الاخبار .

شكرا جزيلا على المشاركة .. أنا قريب هنا في موضوع تاني إنها قريبة من القاشقاي .. فيه حاجات معقولة كعربية جديدة موديل السنة وحاجات غالية بشكل غريب .. زي فوانيس القاشقاي مثلا ..

طيب إنت شايف إيه عيوبها غير قطع الغيار ؟؟ وهل تنصح بعربية تانية ؟؟ 20 ألف بس؟ :(

وإيه أخبار الصيانة معاك ؟

أسف أسئلتي كتير بس اسأل مجرب ولا تسأل طبيب ..

**gundal** · 27-11-2013 09:56 PM

وحجزنا الجوك الحمدلله! ويا مسهل .. قدامي 3 شهور :( ..

عموما أنا مقتنع بيها جدا مبدأيا من المعرض .. فعلا المساحة الخلفية ضيقة شوية بس معقولة .. لو نسقت مع الكرسي الأمامي بتكون مساحة كويسة .. والشنطة تمام .. كل ده بالنسبة لأسرة صغيرة إلى متوسطة .. الأسعار اللي لاقيتها فوري أرخص حاجة ب 183 ألف وبعدها ب 186 ألف في مكان تاني والأخير ب 190 ألف!! الحجز فعلا ب 177 ألف في اوتو إيجيبت

اللي فهمته إنك ممكن تركب الجي بي إس الأورجينال ب 4500 جنيه.

العربية فيها حاجات كتير دخلت دماغي بس اكتر حاجات عجبتني .. ABS و EBD و Break assistant ..
4 Air bags
Engine immobilizer - Anti theft system
نظام I-Con
سواء تحكمك في التكييف أو مود السواقة .. وطبعا الجير ال CVT
وحاجات تانية كتير .. شكل وكماليات تستاهل السعر في رأيي .. إن شاء الله أوعدكم بتقرير تجربتي ليها لو جبتها على خير بمشيئة الله .. :)

تتوقعوا ممكن استلام بدري عن كده؟

الموضوع: سؤال بخصوص Nissan Juke

LinkBack

أدوات الموضوع

عرض

سؤال بخصوص Nissan Juke - انشر الموضوع فى :

-

-

-

-

-

المواضيع المتشابهه

Nissan Juke-R vs. Porsche 911 GT2 RS

nissan qashqai vs nissan juke

Nissan Juke

::: Nissan Juke -2011 :::

Nissan Juke

الكلمات الدلالية لهذا الموضوع

المفضلات

المفضلات

ضوابط المشاركة