مشكله فى ارتفاع الفانتازيا 2010

**ZEX5** · 20-11-2013 05:54 PM

السلام عليكم
انا كنت راكب عربيه suv سوزوكى فيتارا , المهم ربنا كرم و ابويا جاب فانتازيا 2010
العربيه ماشاء الله فى كل حاجه , لكن لما حد يركب ورا العربيه بتحك ى مطبات كتير جداا
و حتى و انا لوحدى ببقى اخاف اعدى من على مطب
فهل فى حل للمشكله دى , فى ناس قالولى ارفعها و كده , بس انا ما بحبش العب فى العفشه
ملحوظه: العربيه كامله بجنط 17
و انا كنت ناوى على الفئه التالته الجديده ليا بس انا بدأت اقلق كده

**Moratoz** · 21-11-2013 12:49 AM

لو خليجي بتبقي اقل في الارتفاع من الوكيل وممكن يتركب ليها عليات بس طبعا ممكن تفرق في ثبات العربيه سيكا علي السرعات العاليه

**طارق _عبد السلام** · 21-11-2013 03:25 PM

'طبعا الفيتارا عاليه عن الارض
ولا زم تغير سياستك فى التعامل مع المطبات يعنى وانت بتبيع الفيتارا اكيد قالتلك ماتخدش على كده :)
وعربيتك جنط 17 اكيد خليجى وهى واطيه فعلا النسبه البسيطه دى فعلا بتعمل مشكله
ومن معرفك انت من المنصوره ومطباتها عسل وبتوع المنصوره بيحبوا الخليجى علشان الطرق كويسه نوعا ما عندهم بس لما بيدخل المناطق المكسره بيندم
ولو عايز تعلى العفشه انت من المنصوره يا باشا وعندكم عفاريت العربيات صنايعيه ملهمش حل انزل الحسنيه وهتلاقى الف مين يدلك على الصح
بس رأي خلى العربيه على اصلها ومتقلقش بس هتحتاج تتعامل بسياسه مع المقبات مش المطبات

**Amr_Azab** · 21-11-2013 04:02 PM

ممكن تركب صدادات مخصوصة للتعلية عند يايات المساعدين

انا مركبها عندي لسببين :-

الاول :- أنها بتريح المساعد والياي لانها بتشيل جزء من حمله
( بتقلل مسافة أنضغاط المساعد والياي )

الثاني :- بتدي علو نسبي للعربية بس اكيد بيفرق معاك في المطبات
( يعني الكام سم اللي بتعليهم بيفرقوا ويخلوا العربية متحكش في المطبات )

وده بيبقي شكلها وهي بتركب في حلقات الياي

ممكن تركب حلقة واحدة بس وبالتالي حتعلي العربية بمقدار تقريبا 5 سم والفكرة انها بتقلل أنضغاط الحلقة دي

وممكن تركب في أكتر من حلقة وساعتها العلو حيبقي كبير بس في الحالة دي حتحتاج ياي سبور مش الياي العادي اللي راكب فيها والا حتلاقي العفشة نشفة جدا وحتضر العفشة والمساعد كده

فانصحك تجيب الرابر ده وتعلي حلقة واحده فقط لاغير زي منا عامل
حتستفيد بنعومة العربية زي مهي وفي نفس الوقت تعلي العربية

**Moratoz** · 22-11-2013 07:15 AM

المشاركة الأصلية كتبت بواسطة amr_azab

ممكن تركب صدادات مخصوصة للتعلية عند يايات المساعدين

انا مركبها عندي لسببين :-

الاول :- أنها بتريح المساعد والياي لانها بتشيل جزء من حمله
( بتقلل مسافة أنضغاط المساعد والياي )

الثاني :- بتدي علو نسبي للعربية بس اكيد بيفرق معاك في المطبات
( يعني الكام سم اللي بتعليهم بيفرقوا ويخلوا العربية متحكش في المطبات )

وده بيبقي شكلها وهي بتركب في حلقات الياي

ممكن تركب حلقة واحدة بس وبالتالي حتعلي العربية بمقدار تقريبا 5 سم والفكرة انها بتقلل أنضغاط الحلقة دي

وممكن تركب في أكتر من حلقة وساعتها العلو حيبقي كبير بس في الحالة دي حتحتاج ياي سبور مش الياي العادي اللي راكب فيها والا حتلاقي العفشة نشفة جدا وحتضر العفشة والمساعد كده

فانصحك تجيب الرابر ده وتعلي حلقة واحده فقط لاغير زي منا عامل
حتستفيد بنعومة العربية زي مهي وفي نفس الوقت تعلي العربية

معلش سؤال نظري الصدادات الموجوده في الصور ركبت علي دوران السوست فممكن تخلي الياي ميريحش لو في حمل معاك ماشي ولكن هل بتعلي العربيه من غير حمل في المجمل العام ولا لَا
ودي بعد إذنك بيتباعوا فين وبكام

**Amr_Azab** · 22-11-2013 02:00 PM

لا طبعا هي مبتمنعش الياي من انه يريح ولكن بتقلل الترييحة دي
بمعني ان لو المسافة بتاعت انضغاط دوران واحد 5 سم مثلا فهي بتقلل المسافة دي وتبقي 2.5 سم وهكذا
وفي الحالة دي تبقي انت كده عليت العربية 2.5 سم ( اللي هما منضغطوش )
فا الياي بينضغط عادي بس هي بتحكم مسافة الآنضغاط مش اكتر
الكلام ده سواء في حمل او لا لآن هي لما بتيجي تركب بتوسع المسافة بتاعت الدوران اللي بتركب فيه

فلو معكش حمل العربية علت برده لان المسافة بين الدوران اللي راكب فيه الرابر زادت
ولو معاك حمل فالعربية اصلا علت ومع الحمل بتمنع انضغاط الياي للآخر فبتفضل العربية عالية برده عن الاول من قبل تركيب الرابر

فحضرتك بتقيس طول الياي وهو مفكوك كام وبعد متركب الرابر كام ودي الزياده في الارتفاع منغير تحميل
وتقسمها علي اتنين تبقي دي الزياده اثناء التحميل وتشوف بقي عايز تعلي تاني ولا لآ

بس الموضوع بحدود عشان العفشة متنشفش جامد يا اما تجيب ياي سبور وعيش بقي

**Amr_Azab** · 22-11-2013 02:02 PM

وهي بتتباع عند بتوع قطع الغيار او بتوع الاكسسوارات

-

-

-

الموضوع: مشكله فى ارتفاع الفانتازيا 2010

LinkBack

أدوات الموضوع

عرض

-

-

-

-

المواضيع المتشابهه

زيت الفانتازيا 2010

مشكله غريبه فى الفانتازيا

اسئلة في الفانتازيا 2010

مميزات الفانتازيا 2010

اخبار الفانتازيا 2010

الكلمات الدلالية لهذا الموضوع

المفضلات

المفضلات

ضوابط المشاركة