بروشور قشقاي 2014 وأخبار تهمك

**Horsepower** · 15-12-2013 01:34 PM

المشاركة الأصلية كتبت بواسطة tatasamy

يا أحمد بيه،

انا أكدت ان الي بتتباع دلوقتي هي الشكل القديم وان الشكل الجديد المسمى new qashqai تم الاعلان عنها رسميا على الموقع وتسلم ابتداءا من يناير 2014 ان شاء الله!

اما عن موضوع الصور والبيع للشكل الجديد لو حضرتك راجعت روابط الموضوع من الاول هي من الشركة الام نفسها وبرضه ده الرابط الرسمي من الموقع الرسمي للشكل الجديد بالصور الجديده بالامكانات الجديده بنموذج الحجز للشكل الجديد تحت مسمى قشقاي الجديده :)
The new Nissan Qashqai - Nissan crossover cars

طبعا ماحدش يعرف هتنزل امتى مصر لكن بره مصر هيه نازله يناير ان شاء الله :) اما الموقع الرسمي -برده- اعلن عنها منذ بداية نشر الموضوع بكل التفاصيل وباسعارها وفئاتها كمان! وهي طبعا غير الي بتنزل مصر بتاتا!!

وشكرا على قرائتك للموضوع واتمنى ان يكون اعجبك :)

الله يخليك موضوعك ممتاز

دي حاجة مش محتاجة سؤال .... أنا أصلي مهتم جدا بالعربية دي وبافكر أجيبها ومتوقع لها نجاح كبير جدا في سوق مصر لأن بها تجهيزات أعلى من ال XV واسم نيسان أكثر شهرة في مصر عن سوبارو (مع فائق إحترامي وتقديري لسوبارو) ده بالإضافة إنها هاتنزل دفع رباعي أساسي .... لكن الشيء الوحيد اللي مش عاجبني في القاشقاي الجديدة انها هاتنزل بجيربوكس CVT زي ال XV ... ربنا يسهل بس وتنزل الأول ... تحياتي يا باشا

**Bently** · 16-12-2013 03:46 PM

شكرا لمجهودك
العربية شكلها رائع و مشجع و امكانيتها مبهرة جدا الصراحة

**tatasamy** · 17-12-2013 01:32 PM

السلام عليكم،

واليكم الجديد فيما يخص نيو قشقاي في مصر. تم وقف حجز قشقاي رسميا في أوتو ايجيبت الاسبوع ده! والذي يعني ضمنياً ان نيو قشقاي هتوصل مصر فعلا في خلال 6 أشهر على الأكثر -الي هيه مده حجز العربية!

واضح انهم نجحوا في التفاوض بصورة ما مع نيسان انجلترا لنزول الشكل الجديد بسعر حنين شويه :) وياريت لو في حد عنده أخبار تانيه من بقيت الموزعين المعتمدين يقولنا ايه الاخبار!