اى ملحوظات على الحجز..؟

**Mandosiom** · 21-11-2013 01:49 PM

السلام عليكم ورحمة الله وبركاته..

ان شاء الله رب العالمين.. هروح النهارده احجز الــــ 301.. البيز لاين..

انا دى اول مره فى حياتى هجيب عربيه..

هل يوجد اى ملحوظات المفروض انى اخد بالى منها ساعة الحجز.. ولا الموضوه كله ساعة الاستلام..!؟

اسف على الازعاج
وشكرا مقدما..

**eng.salama93** · 21-11-2013 02:27 PM

لا ف الأستلام

**Akram.Gamal** · 21-11-2013 04:23 PM

لا بالعكس اكتر حد هيفيدك هو المندوب ال هتحجز و تتابع معاه
ولو عايز تعرف اى حاجه و تتفرج على الطبيعه كمان هو بيقولك ال انت عايزه

**mahmed0100** · 21-11-2013 05:08 PM

حتاخد وصل بالمبلغ و استماره حجز و اسال على كل اللى انت عايزه قبل ما تنفذ حجزك و راجع استماره الحجز ببياناتك و شكرا :)

**Mandosiom** · 22-11-2013 10:18 AM

شكرا يا رجاله على النصائح.. فعلا روحت.. و بصراحه اقتنعت اكتر بــــ هاى لاين.. خاصة انى الكام يوم اللى فاتوا.. كنت متابع كل مواضيعكم عنها.. و اللى فهمتوا من خبرتكم... ان فرق المبلغ بين البيز و الهاى مقارتة بالفرق فى الامكانيات يستاهل.. خاصة مع فئتها السعريه.. فقولت على بركة الله.. خلينا فى الهاى لاين.. شكرا جزيلا..

**Akram.Gamal** · 22-11-2013 10:38 AM

ع البركه ان شاء الله

**Mandosiom** · 22-11-2013 12:55 PM

حجزتها من السبع توكيل بيجو فى .. 92 شارع محمد فريد مصر الجديده.. و المفروض ان الاستلام هيكون بحد اقصى.. 21-1-2014.. و بيكتب فى الوصل بتاع الديبوسيت.. ( و يحدد السعر النهائى عند الاستلام) و بياكد ان ماكسيمم الاوفر برايس هيكون 2000 جنيه..

**mahmed0100** · 22-11-2013 01:13 PM

حجز و انتظار ٣ شهور حد اقصي و كمان اوفر برايس 2000 جنيه ؟ ليه :) !!!!
مدام اوفر برايس .. يبقي ادفع كمان الفين او ٣ الاف عند سمير ريان و استلمها في يومين بورقها :)