مشكله سحب في فيفوريت

**ahmed elshrpin** · 21-11-2013 02:54 PM

السلام عليكم جميعا
انا اشتريت اسكودا فيفوريت موديل 94 من 8 شهور و هي تمام معايا بس في 3 مشاكل مش عارف حلهم ايه
1- انا شغلي في مدينه نصر و ساكن في الهرم و باخد الدائري يعني تقريبا مشواري من 60 ل 70 كيلو في اليوم و التفويله بتاعت البنزين بتكمل 5 ايام بالعافيه يعني 40 لتر في 5 ايام هل ده معدل استهلاك صح و لا كده في حاجه غلط . دي اول حاجه
2 - المشكله التانيه العربيه فجاه بتكتم و تتخنق و تصقف و بعد كده تقوم مجمعه سرعه فجاه ( غيرت البوجيهات - نضفت الكاربيراتير - غيرت الموبينه - غيرت فلتر البنزين ) مفيش فايده معتقدش ان كل ده من بنزين 80 لان واضح ان في ناس كتير بتستخدمه و مش عامل معاهم المشاكل دي
3 - صوت المكنه عالي هل ده عادي يعني مواتير الفيفوريت صوتها عالي و الميكانيكي بيقولي ان التاكيهات تمام مش محتاجه تظبيط مش عارف ممكن اعمل ايه
يا ريت مكونش طولت عليكم .....

**MOHAMED ABD EL SHAFY** · 21-11-2013 03:33 PM

1- معدل استهلاك 70 كيلومتر فى 5 ايام = 350 كيلو متر تستهلك اربعين لتر = 8.75 كيلو للتر على بنزين 80 يعتبر معقول نسبيا والمعدل الافضل هو 10 لو على بنزين 92

لو عاوز تحسن المعدل ارفع التفويلة على بنزبن 92 واضبط الكهرباء والكربراتير

2- بنزين 80 بيكون ملئ باشوائب وغالبا بيكون مغشوش فده السبب فى التسقيف وخلافة
جرب بنزبن 92 مرتين بعد ظبط السيارة وراقب الفرق هتلاقى اللى بتوفرة فى البنزين هو اللى بتصرفة فى الصيانة

3- صوت الماكينة عالى يتوقف على مدى احساسك بيك فقد يكون طبيعى وانت اللى متهيالك حاول تقارنها بعربية فيفوريت اخرى عشان تحكم

**ahmed elshrpin** · 21-11-2013 03:40 PM

مبدئيا شكرا علي اهتمامك و الرد عليا
طب لو حطيبت بنزين 80 علي بنزين 92 يعمل مشكله و لا عادي اصل بصراحه يا باشا ال92 غالي تقريبا الضعف

**sakr_skoda** · 21-11-2013 04:28 PM

المشاركة الأصلية كتبت بواسطة ahmed elshrpin

السلام عليكم جميعا
انا اشتريت اسكودا فيفوريت موديل 94 من 8 شهور و هي تمام معايا بس في 3 مشاكل مش عارف حلهم ايه
1- انا شغلي في مدينه نصر و ساكن في الهرم و باخد الدائري يعني تقريبا مشواري من 60 ل 70 كيلو في اليوم و التفويله بتاعت البنزين بتكمل 5 ايام بالعافيه يعني 40 لتر في 5 ايام هل ده معدل استهلاك صح و لا كده في حاجه غلط . دي اول حاجه
2 - المشكله التانيه العربيه فجاه بتكتم و تتخنق و تصقف و بعد كده تقوم مجمعه سرعه فجاه ( غيرت البوجيهات - نضفت الكاربيراتير - غيرت الموبينه - غيرت فلتر البنزين ) مفيش فايده معتقدش ان كل ده من بنزين 80 لان واضح ان في ناس كتير بتستخدمه و مش عامل معاهم المشاكل دي
3 - صوت المكنه عالي هل ده عادي يعني مواتير الفيفوريت صوتها عالي و الميكانيكي بيقولي ان التاكيهات تمام مش محتاجه تظبيط مش عارف ممكن اعمل ايه
يا ريت مكونش طولت عليكم .....

وعليكم السلام ورحمة الله وبركاته
اهلا استاذ احمد نورت القسم....
اولا حابب اقول لحضرتك ان الفيفوريت تعتبر من السيارات المحترمة من كافة شئ متانة وموتور وعفشة بسم الله مشاء الله وكما بساطة ويسر فى التعامل يعنى ممكن حضرتك تعمل فيها اللى انتا عاوزة وعمرها ما حتكسفك بس انتا مد ايدك وحاول تعمل اصلاحاتك بنفسك خليك معانا حنعلمك ازاى تحل المشاكل التى قد تتعرض لها....

بالنسبة لموضوع حضرتك....
البند اولا :استهلاك البنزين كثير شويه ودا طبعا راجع لحاجات كتير ومن النقاط التلية التى تشكو منها يبدو ان المشكلة عندك فى الكاربرتير وانا عامل موضوع والله عملت عملى على فيفورتى مع انى مكنتش اعرف الكاربرتير دا بيتفك ازاى لاكن الحمد الله ربنا سلم وظبط الكاربرتير ....
http://www.nilemotors.net/Nile/328852-a.html

وبعد كدا حنظبط الكهرباء والسلانسية ودا حتتعلمة من الدرس ال 14....
http://www.nilemotors.net/Nile/339710-a.html

بعد كل ماسبق ستنتي المشاكل سالفة الذكر من استهلاك وقود وسرعة تجميع وعدم الخنقة وايضا صوت منخفض جدا للموتور....

**aw2100** · 21-11-2013 10:21 PM

+1111111111

**EngAhmedSayed** · 21-11-2013 11:53 PM

انا شايف انى استهلاكها
معقول نسبيا و اكيد حضرتك الدائر ى مش بيبقى ماشى كويس دة كفاية الوقفة من القطمية لحد الطلبية لو على كلام حضرتك دى تاكل التنك كله حاجة خنقة و العربية لما توقف و تيمشى توقف و تيمشى تاكل بنزين اكتر لانى اكبر نسبة استهلاك هو تحرك العربية من حالة السكون للحركة
سياتك عاوز تعرف
بتاكل بنزين و له لالالالالالالالالا
على سبيل المثال
لما تسافر على طريق زى اسكندرية من البيت عندك فى الهرم للاسكندرية هتاخد منك 18 للتر الى 20 للتر بالظبط سياتك تسفر العداد او تاخد قراء عداد الكيلو متر و تشوف

**المنسي** · 23-11-2013 02:48 PM

اولا علشان تحكم على عربيتك معدل استهلاكها للبنزين يفضل فى طريق مفتوح واقصد بيه انه يكون طريق سفر وساعتها نقول المعدل ده مناسب ولا لا

**المنسي** · 24-11-2013 10:11 AM

المشاركة الأصلية كتبت بواسطة ha elshorbagy

انا مشيت من القاهرة الى العريش بسرعة تتراوح من 130 الى 140 المسافة تقريبا 420 كيلو كنت مفول فى القاهرة انهاردة فولت العربية اخذت 16 لتر
سكودا فورمان 94

لالالالالالالالا كده اكيد فى حاجة غلط فى الحسابات بتاعة حضرتك لان المفروض السرعة دى مع المسافة دى تفول العربية تانى 38 لتر وده على اعتبار ان اللتر يعمل معاك 11 كيلو فياريت تراجع تانى