الموضوع: الحمد لله الصوت راح(تقرير عن رحله الصيانه بالتفصيل الممل )\ (•◡•) /

بسم الله الرحمن الرحيم

انا قبل سفري بيوم واحد قررت اني اروح للمهندس خالد بعد ماكنت ناوي اروح لمحمد سمير قولت اعمل سيرش عنه بعد ما شكرلي فيه mazgangy باشا لقيت كلام زي الفل عنه وحكايه انو كان شغال في التوكيل شجعتني رحت متصل بيه وقلتلو اني هاجيله بكره من اسيوط واداني العنوان وقالي حاول تيجي 12:30pm عشان يكون في الورشه
تاني يوم وتوكلت علي الله واتفقت مع اتنين صحابي وظبطتنا المظابيط وتوكلت علي الله نزلت الساعه خمسه عشان اسخن العربيه ونزل الحج عشان يسلم عليه ويقولي النصائح العشر عن السواقه المهم بعد النصائح قالي شوف نور العربيه رحت شغلتلو النور ودست فرامل وشغلت الانظار قالي في لمبه مش شغاله المهم نزلت ولقيتها لمبه الفرامل كان معايه واحده المهم وانا بغيرها حملت اللمبه علي الشاسيه بتاع اللمبات راح الج قالي في صوت طقه طلع من جوه العربيه قولتلو دوس فرامل لقيت مفيش نور فرامل فتحت علبه الفيوزات وطلعت خريطه الفيوزات لغايت اما عرفت مكان فيوز الفرامل ولقيتو ضارب ومكنش معايه أي فيوز للعربيه وكانت الساعه 5:30am المهم جتلي فكره جهنميه غبيه اني اخد فيوز اي حاجه مش هاحتاجها لغايت اما اوصل مصر ونظبط الدنيا المهم بصيت في خريطه الفيوزات ألي كنت منزلها من علي النت وشيلت فيوز التكييف وحطيتو ونور الفرامل نور ولقيت مروحه التبريد اشتغلت وحديها ومش راضيه تفصل مش هاطول عليكم فضلت العب في الفيوز لغايت اما اداني اير باج ايرور والمروحه مش راضيه تفصل واشغل العربيه وادي مرشدير اسمع زنه وعداد السرعه يوصل 220 ويرجع تاني طبعا جالي احباط قولت ابص علي كتالوج العربيه واشوف خريطه الفيوزات ألي فيه(كل ده انا منزله علي الموبيل)المفاجاة ان خريطه الكتالوج غير ألي انا كنت منزلها واتاري الفيزه بتاعت التكييف ألي انا شلتها طلعت بتاعه طرمبه الميه(عشان كده مروحه التبريد اشتغلت وحديها بالفعل عربيه زكيه)المهم رجعت تقريبا كل فيوز لمكانه وشلت بس بتاع النور الداخلي اجي اشغل العربيه مش راضيه تشتغل الاحباط زاد والحج عماله يقولي اجلها ليوم تاني المهم قولت نوصل البطاريه ببطاريه عربيه تاني يمكن تشتغل جبنه الغاليه ال 128 ووصلنا سلكين برضو مشتغلتش قلت ابوص علي الفيوزات تاني راح الموبيل فصل شحن طبعا موصفلكمش شعوري المهم زمايلي ألي كانو رايحين معايه جم وقالوي السلك ضعيف جبنا سلك اقوي والحمد لله العربيه اشتغلت وتوكلنا علي الله وانطلقنا وفي الطريق لقيت بتاع قطع غيار استيراد معرف خدت كام فيوز اصلي قلت نركبهم في مصر المهم وصلناواتصلت بالمهندس خالد عشان يوصفلي الطريق ووصلنا الورشه بالسلامه والراجل مشكور جالنا بدري عن ميعاده المهم خدنا المكتب عنده وقعد معانه وقلتله علي ألي هاعمله والحمد لله طلع عنده قطع غيار اصليه وكتبلنا اسعارها وقالي الاسعار دي قديمه وهاتلاقيها اغلي بره المهم وطلع بالعربيه يجربها ورجعنا وتوكلنا علي الله وبدأ الصنايعي شغل في العربيه
ودي الحاجت ألي غيرناها واسعاره
زيت محرك 10000 كم(5لتر) 370$
سير كتينه بليه شداد كتينه 660 جنيه (عند الهاشميه سير الكتينه 275)
سير دينامو 240 (هاشميه 275)
4 ك زيت فتيس اوتوماتيك 700 اللتر 175 تقريبا نفس السعر عن الهاشميه
فلتر فتيس 320 هاشميه 325
مياه حمرا 75 هاشميه 85
في حاجات جبتها من الهاشميه مكنتش موجوده عنده
كرتيره زيت محرك بس صيني مكنش في اصلي
جوان كرتيره فتيس برده صيني
قربه ميه

وعمل كشف كامل بالكمبيوتر وفتح اوبشن ونضفنا الفلاتر والرششات
وخد مصنعيه 300 بس كانت 375 والراجل نزلها مع العلم انهم اشتغلو في العربيه من 12 الي 6 مساء
الاجمالي 2650 من غير الحاجات ألي انا جبتها
الخلاصه راجل محترم جدا ويحكي معاك ويشرحلك اي حاجه والحمد لله اني وصلت بدري عشان بعد كام ساعه بدأت الورشه تزحم شفت كذا فنتزيا وa5 وعربيه سيات وفولكس
المهم بعد مارجعنا بلاسلامه والواحد كان مبسوط ركب معانه واحد اما وصلنا وهوا نازل قطع وير فتح الباب قلت الحمد لله انها جت علي قد كده(لو حد يعرف سعره ابقي يقولي عشان ملقتوش عندنا والكهربائي عمل حاجه كده من عنده لغايت اما اجيب واحد)المهم فضلت احكي لصحابنا عن اليوم وكده((استعينوا على قضاء حوائجكم بالكتمان)) تاني يوم لقيت الصوت ألي قولتالكم عليه واتصلت بالمهندس خالد وقالي علي شويه حاجات اجربها منها بودره التلك وكل ما اوريها لحد يفتي لغايت اما الواحد احبط وشهاده لله المهندس خالد كان بيتصل بيا كل يوم يشوفني وصلت لفين لدرجها قالي خلي ميكاني يشوفها ويكلمه ويشرحله اعمل ايه المهم اخر حل قلتله هاسجل الصوت وابعتهولك علي الميل وسجلته وبعته تاني يوم قاعد محبط المهم ندرت مبلغ لله لو اتصلحت بعديها بشويه المهندس خالد قالي الميل موصلش المهم اقترحت اني اشغل العربيه واسمعه الصوت قالي ماشي وسألني عن الحاجت ألي قالي عليها عشان اعملها اتاريني حطيت بدره التلك علي سير الدينمو وهو قصده الكتينه
المهم الراجل شرحلي مكانها وفضل معايه خطوه خطوه لغايت اما حطيت بودره التلك وسميت وشغلت العربيه وهنا حدثت المعجزه

الصوت راح

المهم فضلت اشكر في الراجل علي اهتمامه وبعد ما خلصت علي طول لقيت واحد محتاج رحت جريت جبتله المبلغ ألي ندرته
وجربت العربيه كذا مره والحمد لله الصوت مرجعش
الواحد مش بيتعلم
وانا بركب الوش الفيبر ألي فوق الموتور عدي اتنين اصحابي وفضلت احكيلهم عن اليوم ألي قضيتو في مصر بعد ما مشيو المفتاح ألي بربط بيه وقع مني في المصفحه ومقدرتش اجيبو
ملحوظه :-
المهندس خالد قالي اني فيه واحد اتصل بيه الساعه 4 الفجر عشان يسألو علي صيانه عربيتو والراجل اتخض من الاتصال وافتكر ان في حاجه لقدر الله وكمان الشخص ألي اتصل مش كفايه خض الراجل لا كمان يقوله الناس كلها سهرانه
المهم:
الراجل بيطلب اني محدش يتصل بيه في المواعيد دي ياريت
واسف علي الاطاله

mo7a_mo7a ههههههههه الله يخليك ياباشا
وقفت العربيه علي مطلع وفضلت اهز فيها وبردو منزلش طلعت بسرعه ووقفت فجأه وبرضو مظهرش ولا حتي طلع صوت دخلت اديا لغايت اما اتجرحت ومفيش فايده
اتنرفزت رحت ركنتها واشتريت مفتاح تاني وربطها
والحمد لله انها المره دي جت في المفتاح