مساعدة فى إختيار لون بيجو 301 هاى لاين

**amin.anan** · 23-11-2013 09:36 PM

السلام عليكم

أنا رحت النهاردة سمير ريان و إتفرجت على بيجو 301 هاى لاين بس محتار جدا بين لونين الموكا و الشامبين (حسيت إنهم أحلى لونين بس أن طبعا ما شفتس كل حاجة ) فيا ريت لو تساعدونى فى المقارنة خصوصا من ناحية التراب , التجريح و إنه يظهر فيها بسهولة وأى حاجة 2 ممكن ما أخدش بالى منها و لكم جزيل الشكر مقدما .

**J A G U A R** · 23-11-2013 10:13 PM

الموكا هيبان فيه تراب وتجريح اكتر

**Akram.Gamal** · 23-11-2013 10:21 PM

بص ياباشا اتكلمنا كتير اوى على موضوع الالوان ده
و النتيجه النهائيه ان لازم تتفرج الاول على كل الالوان ع الطبيعه او ع الاقل ال انت بتقارن مابينهم
و فيه مواضيع كتير هنا فى المنتدى بنتكلم عن نفس الموضوع ممكن تراجع عليها

انا من رايى الشخصى كل الالوان حلوه جدا لانها ميتاليك
الابيض و الاسود بويهه عاديه مش ميتاليك بس من وجهة نظرى اخطر لونين

شوف ال حضرتك مستريح ليه اكتر عن التانى و سيبك بلا تراب بلا تجاريح عيش و كبر دماغك
و شكرا ..

**amrelsaqqa** · 23-11-2013 11:47 PM

الفيرانى جميل اوى في الهايلاين مع النيكل الى في الابواب والشبكة خطير جدا وشيك جدا

والبيزلاين او المانيوال احلى حاجة فيه الفضى عشان الشبكة المطفية تقريبا بنفس لون العربية فمش هتحس انها ناقصها حاجة ، وكمان مش هتحس ان النيكل اللى في الابواب ناقصك مع اللون الفضى ، عكس اي لون تانى