الموضوع: استفسار عن 307

لو هتشتري خليك في الموديلات الأعلي يعني 2007 أو 2008
عشان الفتيس كان متعدل فيهم وأفضل من الموديلات اللي أنت ذكرتها,,
أما لو أنت قدامك حاجة في رينج الموديلات اللي انت ذكرتها والفتيس مظبوط ومفهوش مشاكل خدها وأكشف عليها في التوكيل قبل ما تتوكل علي الله فيها,

العربية مميزاتها أنها مريحة في السواقة,,
ثابتة جداً علي الطريق علي كل السرعات,, فرامل ممتازة جداً,, في الأمان ممتازة, والسحب جيد جداً.

العيوب الفتيس كان فيها مشاكل في الموديلات اللي أنت ذكرتها وأتعدل من أول 2006 و 2007
القديم بيتغير له سلونيد فالف وسوفت وير أبديت وبيبقي كويس برضه بس أهم حاجة تكون حالته كويس وبيتغير له زيت أول بأول ومش عاملة كيلو متر عالي,

العربية أقتصادية في أستهلاك البنزين في السفر, لكن أستهلاكها عالي نسبياً في المشي جوا البلد,
قطع الغيار متوفرة ومنتشرة جداً وأسعارها معقولة وأرخص من حاجات كتير في الكوري والصيني كمان,
ممكن تشوف رينج أسعارها من هنا, لأن ال 307 وال C4 عربية واحدة بس أختلاف في الجسم الخارجي
http://www.nilemotors.net/Nile/373359-c4.html

ودا كان تقرير عن ال 307sw
http://www.nilemotors.net/Nile/128989-307sw.html