صديقي المواطن
قولا واحدا إنت جيتلي في ملعبي الوطني ذلك أن 4 سيارات من مجموعتي الخاصة هي مرسيدس
طبعا أنا بميل للمرسيدس من الثلاثينات وحتى آخر موديل يعجبني عام 1998
وبالنسبة لك لو إنت بتهتم بالبنزين فطبعا ال 280 مش حتنفعك نهائيا دي عربيات عايزة ناس تركب وتستمتع مش تركب وباصص على جيبه وعداد البنزين وبالنسبة لل 280 سبعينات فدي من أعاظم سيارات المرسيدس ولكن قطع غيار نادرة وبتصرف بنزين ﻷنها 6 سلندر بس هي رخيصة عندك المعدل من 200 إلى 230 ودول 4 سلندر عندك 250 دي 6 سلندر والمرسيدس المعدل ال 200 وال 230 دي عربية المواطن المصري الأكثر مبيعا واﻷكثر طلبا وتباع ب 10 دقايق وللأسف هي غالية جدا.جدا تبدا من 35 ألف وحتى 60 ألف للنوادر وهي من 77 وحتى 84 وتلاقي كل المقاولين الصعايدة اللي بيبنوا أبراج راكبينها طبعا الفتيس أوتوماتيك أفضل وفيه منه نوعين اﻷبيض 3 نمرة ب 1500 جنيه واﻷحمر 4 نمرة ب 4500 جنيه
وأنا.أنصحك تجيب عربية هلكانة وتبنيها من تحت الصفر على إيدك
وأنصحك كمان تجيب موديلات من 55 حتى 61 وهي ال 180 وتشدها.وتبقه معاك عربية كلاسك الناس تحييك عليها في الشارع وممكن تجيب المرسيدس 190 من 62 وحتى 68 وتعيش حياتك وتشد عربية قوية.جدا.جدا وعندك الخنزيرة فيه من 8000 وحتى 55 ألف حسب الحالة
وهذا ما لزم بيانه ودمتم
وبالتوفيق وإلى.اﻷمام ومن نصر إلى نصر
ودمتم للنضال
ملحوظة حوش وهات مرسيدس 300 أو 560 أس إي إل موديل 90 أو 91 ولو وصلت تبيع دمك عشان تجددها وتحافظ عليها ولما.تموت خدها.معاك للقبر من أبدع ما أنتجت مرسيدس
المفضلات