الموضوع: الفيوز 17 واهميته فى الفليشيا

المشاركة الأصلية كتبت بواسطة المنسي

اولا الفيوز رقم 17 من الشمال وظيفته انه بيقفل 3 دوائر الكترونية :
1- دائرة الكلاكس بتاع العربية .
2- دائرة النور العالى بتاع العربية لما تسحب دراع النور عليك لفوق .
3- دائرة مروحة التبريد ( دى اهم حاجة فى الثلاثة اللى فاتو ) .
دلوقتى بقى ايه الكلام اللى انا بتكلم فيه " الموقف معاك ممكن يحصل ازاى دلوقتى انت ماشى بالعربية وبتدوس كلاكس ولقيت الكلاكس فاصل ومش شغال طيب مش مشكلة ممكن يكون اتحرق او سلك فصل مش مهم طيب بعد الكلاكس ما لقيته كده جيت بترفع دراع النور عليك علشان تقلب نور عالى برده مفيش طبعا هتلاقى مؤشر الحرارة كمان بيعلى والمروحة مشتغلتش يبقى اول حاجة هتعملها انك تبطل العربية وتفتح علبة الفيوزات وتبص على الفيوز 17 هتلاقيه شايط او قاطع هتغيره وشكرا على كده.
ملحوظة " الفيوز ده 25 امبير يفضل انك متغيروش بفيوز اعلى انما ممكن تحط فيوز اقل مثلا 20 لو ده المتاح معاك فالعربية ويفضل كمان انك يبقى معاك احتياطى فيوزات للطوارىء "

طيب الثلاث فيوزات التي بالاسفل من كل جهة خاصة باية