شباب كله يجمع .. مناقشة عن عز العرب

**الجنرال** · 25-11-2013 11:56 PM

السلام عليكم

بدون مقدمات .. انا كنت حابب كل واحد يعرض تجربته مع عز العرب كتوكيل سيتروين

انا عارف المشكلة اللى حصلت مع اخونا اسلام واسيوطي فى العربية الاليزيه بتاعتهم وانها اتحلت بعد شهر وان التوكيل كان بيستهبل فيها والموضوع وصل لحماية المستهلك

وعارف ان ملاك البروتون بيعيطوا من طريقة الادارة والمعاملة السيئة جدا

لكن يبقى السؤال .. الناس اللى معاها السيتروين وبتروح تعمل الصيانة الدورية او في حالة وجود ملاحظات .. السؤال ايه رأيهم فى التوكيل؟

كنت حابب اننا نقيم التوكيل ونديله درجة من 1 الى 10 .. بحيث ان 10 معناها ممتاز جدا .. و 1 يعنى سيئ جدا

المعايير اللى هنقيم عز العرب عليها هي:
1- الاستقبال واستلام السيارة
2- قدرة موظف الاستقبال على فهم مشكلتك ودرايته بابعاد المشكلة وتأثيرها
3- الاستماع الجيد لموظف الاستقبال لمشكلتك
4- موظف الاستقبال بيكون مؤدب ومحترم وبيعاملك بشكل راقي انت ترضاه (لان دي تختلف من شخص الى اخر) المهم ان انت ترضى هذا المستوى من المعاملة
5- الوقت اللى بياخده التوكيل لحين الانتهاء من الصيانة
6- تسليم السيارة لك بعد الانتهاء من الصيانة
7- الاهتمام بكل الملاحظات اللى قلتها والقيام بعمل اللازم فعلا
8- ابقاءك على اطلاع دائم بما تم عمله فى الصيانة وما لم يتم واسباب عدم القيام به
9- الفلوس بقه اللى بتدفعها فى الصيانة كمجمل
10- مكان الانتظار ووسائل الترفيه الموجودة هناك
11- واخيرا .. تقييمك بشكل عام مع الاخذ في الاعتبار كل اللى فات واي مواقف شخصية او ملاحظات اخرى تعرضت لها فى التوكيل .. تديله درجة كام من عشرة بشكل عام

اللى انا متوقعه هو: كل واحد كان عنده تجربه مع عز العرب يدخل .. يكتب فى المشاركة بتاعته التقييم اللى هو شايفه

يكتب الاول رقم العبارة .. بعدها شرطة .. بعدها يكتب الدرجة اللى هو هيديها لعز العرب فى النقطة دي تحديدا

يعنى مثلا: انا واحد من الناس مثلا موظف الاستقبال حسيت انه مش مهتم بيا ولا بيسمع انا بقول ايه ولو سمع فهو مش مركز معايا اصلا .. منفضلي من الاخر يعنى
فانا شايف ان ده شيئ مش كويس .. وتقييمي ليه ياخد 4 من عشرة
يبقى هكتب فى المشاركة بتاعتي:

بند 3- اربعة من عشرة

يلا مين هيبدأ ويكتب التقييم بتاعه؟

**kamero** · 26-11-2013 10:17 AM

متابع

**masmankola** · 26-11-2013 02:20 PM

لسه مجربتش :d

**hamaka** · 26-11-2013 09:23 PM

باعتبارى اتعاملت معاهم 6 مرات لحد دلوقتى فيهم مرة الكشف اللى قبل الشراء و صيانة 90000
و مجموعة زيارات لتغيير القطع اللى كانت بدأت تتعب زى قواعد الموتور و المساعدين و التيل و كده و اتعاملت مع 3 مهندسين من ال 4 اللى قاعدين فى الاستقبال....

1-ممكن 7-9 من 10 (حسب المهندس)
2-ياخدوا 8-10 من 10 (حسب المهندس برضه)
3- 9 من 10 (كلهم كانوا بيسمعوا كويس الحقيقة)
4- 9 من 10
5- مسألة نسبية شوية ، مقارنة بغبور اللى كنت بتعامل معاه ياخد 10 من 10 ، بس بالنسبة لى مع عز العرب لازم أفضى اليوم اللى بروح فيه التوكيل و دى بتبقى سخيفة بالنسبة لشغلى ، بسلم العربية قبل 10 الصبح و بستلمها من 4 ل 6 مساءأ حسب المطلوب عمله ، بس الحمد لله عمرهم ما احتاجوا يبيتوها ، أيام غبور كانت مسخرة حقيقية ده غير سواقين التاكسى اللى كانوا بيدخلوا يريحولهم ساعتين فى دماغى....
6- معرفش قصدك ايه من النقطة دى ، لو قصدك حالتها من ناحية النضافة فا ياخدوا 10 من 10 ، مفيش مرة الا و بتتغسل كويس بره و جوه و بشكل مضمون من ناس فاهمة مايبوظوش فيها حاجة من جوة زى ما بيحصل فى البنزينة مع العربيات ال High tech
7- ياخدوا 8 من 10
8- ياخدوا 9 من 10
9- كقطع غيار استهلاكية (سيور ، فلاتر ، تيل...الخ ، ياخدوا 10 من 10 بالنسبة لأنه التوكيل) القطع الغير معتاد تغييرها على فترات قريبة زى المساعدين و طرمبة الباور و قواعد الموتور و طرمبة البنزين و الدينامو...الخ ياخدوا 6 من 10 ، كمصنعيات بقى غاليين فحت ياخدوا 3 من 10
10- التوكيل نفسه ياخد 2 من 10 ، مفيش أى ترفيه ده هما كام كرسى و واحد بيعمل شاى و شكراً على كده ، بس انت لازق فى دندى مول و كارفور و زوربيح كافيهات و ستاربكس بينه و بينهم بتاع 40 متر فا ماوجهتش أى مشكلة فى النقطة دى ، أحياناً بأجل شراء حاجات عايز أجيبها من كارفور لو رايح التوكيل قريب...
11- التقييم النهائى من رأيي 7.5 من 10

**الجنرال** · 27-11-2013 12:06 AM

هايل .. ده شئ ممتاز

مين تانى راح عز العرب يقولنا رأيه ؟؟

hamaka .. ممكن تقولي تقريبا المصنعيات بتتكلف كام؟؟ يعنى الصيانة الدورية بتاعت 10 الالاف او 20 الف بتتكلف كام؟ اللى هي تغير زيت وفلتر وتربيط عفشة بس

**Kareem.ElAraby** · 27-11-2013 03:03 AM

متابع

**hamaka** · 28-11-2013 04:30 PM

راجع كده الموضوع ده كنت عملته عن صيانة ال 90000

http://www.nilemotors.net/Nile/359496-90000-4-a.html

**Mostafa Khalil** · 30-11-2013 02:16 AM

بص ياباشا انا بتعامل مع عز العرب من سنة 2007

المعايير اللى هنقيم عز العرب عليها هي:
1- الاستقبال واستلام السيارة 10
2- قدرة موظف الاستقبال على فهم مشكلتك ودرايته بابعاد المشكلة وتأثيرها 7 و دائما كنت بشرح المشاكل الجامدة او الغامضة لمهندسين الصيانة
3- الاستماع الجيد لموظف الاستقبال لمشكلتك 8
4- موظف الاستقبال بيكون مؤدب ومحترم وبيعاملك بشكل راقي انت ترضاه (لان دي تختلف من شخص الى اخر) المهم ان انت ترضى هذا المستوى من المعاملة 10 بما اني فاتح عندهم اكونت
5- الوقت اللى بياخده التوكيل لحين الانتهاء من الصيانة 8
6- تسليم السيارة لك بعد الانتهاء من الصيانة 10
7- الاهتمام بكل الملاحظات اللى قلتها والقيام بعمل اللازم فعلا 10
8- ابقاءك على اطلاع دائم بما تم عمله فى الصيانة وما لم يتم واسباب عدم القيام به 12 مش 10
9- الفلوس بقه اللى بتدفعها فى الصيانة كمجمل 7 اسعارهم غالية شوية في بعض قطع الغيار كزا مرة كنت بجيب قطع غيار من برة و اخليهم همة الي يركبوها
10- مكان الانتظار ووسائل الترفيه الموجودة هناك10
11- واخيرا .. تقييمك بشكل عام مع الاخذ في الاعتبار كل اللى فات واي مواقف شخصية او ملاحظات اخرى تعرضت لها فى التوكيل .. تديله درجة كام من عشرة بشكل عام 9

**raad13** · 04-12-2013 12:45 PM

هو مفيش صيانة للستريون غير في طريق مصر اسكندرية الصحراوي؟؟

**ice_heart** · 05-12-2013 12:40 AM

يلا يا شباب ده سبب مخلينا برضه مقلقين من الستروين

الموضوع: شباب كله يجمع .. مناقشة عن عز العرب

LinkBack

أدوات الموضوع

عرض

-

-

المواضيع المتشابهه

ماذا قدم العرب لصناعة السيارات..؟؟؟ مناقشة

مبادرة تويوتا ... تفوق كل التوقعات ... شباب المنتدى يحتلون مول العرب

( saga ) روحت امبارح عز العرب فرع مدينة نصر عشان الساجا , و زعلان من سياسة عز العرب

العرب العاربة والمستعربة (العرب ليسو عرق بشري إنما قومية لغوية)

الكلمات الدلالية لهذا الموضوع

المفضلات

المفضلات

ضوابط المشاركة