لملاكي بيجو 301 شوية اسئلة

**nunoismaz83** · 26-11-2013 12:07 PM

السادة الزملاء .
حابب اسئل عن حاجات في العربية قبل الحجز بس بصراحة الأسئلة مهمه اوي بالنسبة لية
1- العربية الزراير بتاعت الزجاج مش في الباب ( دي معلومة صحيحة لا محالة لأني شوفتها )
- طب في لوك للبيبان بتاعت العربية عشان الأطفال او الباب بيعمل لوك لوحدة لما العربية بتمشي
- في لوك للزجاج عشان الأطفال برضة
- هل لو نزل الزراير في الباب في الفئة الي جاية ينفع ننقل في التوكيل
2- العربية فيها مثبت سرعة ولا لاء
3- في جنوط 17 فيها ولا لاء ( بدل الـ 15 او 16 ) الي فيها
4- هل التوكيل ينفع يركب لية الصب وجي أم بحيث انها متخرجش من الضمان >> معلش اصلي جايب عدة صوت قوية حداً وغالية من فترة كبيرة ومش عارف اركبها لحد دلوقتي
5- هل التوكيل ينفع يركب في العربية مرايات ضم ولو مفهاش مثبت سرعة ينفع يركبة
6- هل حد استلم العربية التبلوة الأسود ولا كلة رمادي
7- في فتحات تكييف للي قاعد ورة ؟
8- العربية اتسجلت بكام؟؟

**kamero** · 26-11-2013 12:19 PM

متابع

**wel781** · 26-11-2013 12:20 PM

المشاركة الأصلية كتبت بواسطة nunoismaz83

السادة الزملاء .
حابب اسئل عن حاجات في العربية قبل الحجز بس بصراحة الأسئلة مهمه اوي بالنسبة لية
1- العربية الزراير بتاعت الزجاج مش في الباب ( دي معلومة صحيحة لا محالة لأني شوفتها )
- طب في لوك للبيبان بتاعت العربية عشان الأطفال او الباب بيعمل لوك لوحدة لما العربية بتمشي
- في لوك للزجاج عشان الأطفال برضة
- هل لو نزل الزراير في الباب في الفئة الي جاية ينفع ننقل في التوكيل :o_stupid[1]:
2- العربية فيها مثبت سرعة ولا لاء
3- في جنوط 17 فيها ولا لاء ( بدل الـ 15 او 16 ) الي فيها
4- هل التوكيل ينفع يركب لية الصب وجي أم بحيث انها متخرجش من الضمان >> معلش اصلي جايب عدة صوت قوية حداً وغالية من فترة كبيرة ومش عارف اركبها لحد دلوقتي

5- هل التوكيل ينفع يركب في العربية مرايات ضم ولو مفهاش مثبت سرعة ينفع يركبة
6- هل حد استلم العربية التبلوة الأسود ولا كلة رمادي
7- في فتحات تكييف للي قاعد ورة ؟
8- العربية اتسجلت بكام؟؟

1 - أيوه مش فى الباب موجودة فى الكونسول.
أيوة فى لوك للباب ولوك للازاز وكده كده الـ سيفتى بتاع الاطفال موجود فى الباب الورانى.
معرفش الموضوع ده بس أكيد مش هاتنزل فى الباب :d
2 - لا بس بيتركب بـ 700 جنية
3 - الهايلاين 16 انت لو عايز بقى ركب بره
4 - أن شاء الله ينفع تركبهم فى التوكيل
5 - أيو ينفع تركب الاثنين بس معرفش سعر المرايات كام
6 - ؟؟؟؟ مش عارف موضوع التابلوه ده
7 - انت مش محتاج تسجل تقريبا بس بتخلص إجرائات المرور علشان هيا عربية زيرو

**xname2004** · 26-11-2013 12:24 PM

الباب بيعمل لوك اتوماتيك لما السرعه توصل 10 كيلو
المثبت ما بينزلش فيها و بيتم تركيبه ف التوكيل ب 800 جنيه
مفيش فتحات تكيف ورا
جنوط 16 ف اعلى فئه

**Akram.Gamal** · 26-11-2013 12:51 PM

العربيه فعلا بتعمل لوك على سرعة 10 كم/س و ف زرار فى الكونسول يمنع فتح الزجاج ورا
لكن حتى لو السنتر مقفول ممكن تفتح الباب من ورا من جوه عادى وممكن تلغي الموضوع ده بانك تقفل اللوك بتاع الباب نفسه من الباب الخلفى و كل باب لوحده و بتعمله بمفتاح العربيه زي الايرباج بالظبط و بكده يبقا الباب الخلفى مش هيتفتح لا زجاج ولا اوكره الا لما تفتح السنتر نفسه

لسا محدش ركب مرايات ضم و اعتقد مش هيجيبوها فى التوكيل من اساسه

لون الفرش و التابلوه موحد فى كل الفئات الفرق فقط فى النيكل و البلاستيك الاسود و دول موجودين فى الهايلاين

بالنسبه لان الزراير تنزل فى الباب بعد كده انسا الكلام ده مش هيحصل

مفيش فتحات تكييف ورا لكن اطمن العربيه تكييفها ماشاء الله حلو و مش محتاج فتحات اضافيه

الكروز كنترول بحوالى 655 ج . م http://www.nilemotors.net/Nile/38308...e-control.html

موضوع طقم الصوت ده اصلا محتاج واحد فنى متخصص فى تركيبهم لان ال g,m ده بيحتاج وصله مباشره من البطاريه و معتقدش ان التوكيل ممكن يركبهملك دول ياخدوا شغل بالميت 6 ساعات

رتب انت بقا براحتك :d
ولو عايز اى استفسار تانى اتفضل

بالنسه للتسجيل و الرخصه و كده بتتكلف حوالى من 1200 ج.م ل 1500ج.م على حسب المرور بتاعك و ده تكلفة ترخيص 3 سنين

**Akram.Gamal** · 26-11-2013 02:06 PM

المشاركة الأصلية كتبت بواسطة xname2004

بالنسبه لزرار الانتظار هو مكانه زى الصور كده على يمين الكاسيت
و هل مكانه ده فى متناول اليد و لا رخم شويه زى مكان مفاتيح الزجاج الكهربا ؟

لا مكانه مناسب مفيش فيه مشكله
و كمان زرار ذكى بمعنى انه لما بتضغط عليه بيدخل لجوه و يرجع مكانه تانى تلقائى يعنى شكله ثابت سواء شغال او مطفى لما بيشتغل اللمبه بتنور