الموضوع: حادثة بال301

اهم حاجة انت بخير؟ كلة تحت رجلك بعد كدة اعتبر ان الفلوس وقعت منك
الي يجي في الحديد يغور في داهيه .... لو مدبحتش ادبح!!! وانا اسف يعني خليها شوية كدة
عشان دي مش عين ... دي رجل

اعتقد المبلغ دة بسبب انهم مش هيصلحوا ... هيغيرو ( ودي تفرق )
واعتقد ان التأمين مش هيعتبرها هلاك شامل لأن العربية ماشية الكلام دة في الحريق والكلام دة والحدثة المدمرة
وبعدين حتى لو هلاك هتاخد ٧٥٪ مش كله ( اعتقد على حسب الكلام الي شوفتة من الأعضاء ) .. راجع قسم التأمين!
شوف التأمين بس اهم حاجة تكون عملت محضر ( وياريت يكون تأمينك شامل ) وخلص التوكيل مع التأمين بس هتحتاج وسطة في التأمين تمشيلك الموضوع بسرعة عشان حبالهم طويلة
قدامك الحل الي هيرجع عربيتك زي ما كانت ودة غالي بشكل شنيع الفلوس دي تمن عربية تاني ودة افضل
الحل التاني ... ميكانيكي ( صقر قريش - المعادي ) واسئل الأعضاء عن المحترم هناك عشان كلهم هناك بتوع العربيات الصعبة فرنساوي ، اوبل ، اوكتافيا ... وهكذا
سمكرة ودوكو ( البرنس ) اشرف ابو عزيزة "فصيل عند مدرسة الملكة".... وهتدعيلي
خد منهم التقرير وشوف حاجة الميكانيكا أية وهاتها وغيرها "افضل" انت عربيتك جديدة والصاج واضح قصادك وشوف الحاجات دي برة عاملة كام

وربنا معاك ... انا حاسس بيك على فكرة لأني حصلي نفس الحوار بس في مستعمل وكنت لسة جايبها برضة وعامل بفلوسها قرض وقرف

صديقي.المواطن
قولا واحدا 12 ألف جنيه وشهرين أرجعهالك زيرو ومحدش يعرف إن فيها خبطة والحادث تافه وأنا بال 46 ألف أجيب عربية تانية وكمان البويات سكنز وليس كابسي
متخليش حد يخدعك وأنا حعملهالك حسبة لله تعالي ومش عايز منك حاجة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة د.عماد صلاح

كتير الصرحه بس لو التامين مغطي اعملها في التوكيل

المشاركة الأصلية كتبت بواسطة ahmedalaa

السلام عليكم اسرة نايل موتورز
عملت حادثة بال301 على طريق الواحات بعد استلام العربية ب10 أيام بس
التوكيل قدر الاصلاح ب46000 جنيه (مش فاهم ليه) التأمين ممكن يعتبرها في الحالة دي هلاك كلي مع العلم ان العربية بتمشي عادي (وديتها التوكيل سواقة) أتمنى تفيدوني بنصائحكم علشان انا معنديش خبرة في امور الحوادث هل اقبل بموضوع الهلاك الكلي؟ ولا اسحب العربية من التوكيل و اوديها اي ورشة أو مركز أخر؟ اسيبكم مع الصور

السلام عليكم
سيدى الفاضل اولا حمدالله على سلامتك
ثانيا انت لو مؤمن تامين شامل والتامين قدرلك يكون هلاك كلى فده خير ليك لانى اللى حيتخصم من قيمة العربية مبلغ صغير جدا لانى العربية ملهاش 10 ايام ولو صلحتها بره التوكيل عمر العربية ما حترجع زى الاول والتكلفة حتكون عالية برضه لانى الموديل ده جديد غير بهدلة العربية فى الورش وحتكره العربية
لو التأمين وافق على التصليح قم بالاصرار على التصليح داخل التوكيل مش اى مركز او ورشة او حتى موزع لانك ساعتها حتى لو العربية مش متوفر قطع غيارها او اتركنت فى التوكيل شهر او اكثر لعدم توافر قطع الغيار حتكون مطمن عليها
وبعدين ايه لازمة انك مؤمن لما حتصحها على حسابك بره وحتى لو كلفتك15000 جنيه بس وقول يارب التأمين يخليها اهلاك كلى
مع انى معتقدش لانى التكلفة اقل من 50%
ربنا معاك

لو التأمين هيغطيك و مش هتدفع حاجة خليك مع التوكيل دى عربية جديدة برضو ، لو التأمين بايعك و بيماطلك أو هتلاقى نفسك هتدفع مبلغ كبير يبقى خليك مع الأستاذ صدام ، هو دايماً عارف هو بيقول ايه.....