عندي مشكلة في فتيس البونتو 2013

**mano29071991** · 27-11-2013 10:44 PM

انا عندي فيات بونتو 2013 racing و كنت جبتها في شهر 3 و هي دلوقتي عاملة 3000 km .... من شهرين تقريبا وانا ماشي بالعربية لقيت العربية جابت N لوحدها بس لقيت بعدين الموضوع زاد بس لاحظت ان الكلام ده مبيحصلش غير لما بحرق بيها و كنت بنزل الفتيس نحيت ال + ترجع تاني للغيار عادي ,بس جه من اسبوعين كده قلبت N و طلعلي msg مكتوب فيها unavailable gear box او حاجه كدة مش فاكر م العربية ماتعدلتش غير لما بطلت و دورت تاني و الوضوع ده حصل مرة كمان من يومين ..... فاا كدة ايه المشكلة ؟؟؟؟

**Medo.Malek** · 27-11-2013 10:59 PM

هيا لحقت ؟!!
ممكن قصدك clutch overheat او gearbox over heat ؟
للاسف انت مضطر تروح بيها التوكيل يبصوا عليها
هو فى كذا احتمال الارجح فيهم (فى اعتقادى) هو طقم دبرياج عشان العربية البونتو ليها سوابق كتير فى الموضوع ده
بس ان شاء الله المشكلة بسيطة
اهم حاجة وديها التوكيل عشان لو فيه حاجة تتلحق
بالتوفيق

**Hunting_Eagle** · 27-11-2013 11:01 PM

طبعا تطلع على التوكيل و تديهم اللي فيه النصيب

عربية عاملة 3000 كم و فيها مشكلة في الفتيس ؟

و مفيش حاجة اسمها لما بتقرص عليها .. امال هو الفتيس معمول ليه ؟

بالتوفيق

**mano29071991** · 27-11-2013 11:02 PM

طب مش هي المفروض فالضمان ؟؟؟

**mano29071991** · 27-11-2013 11:03 PM

و clutch over heat كانت طلعتلي قبل كدة !!!!

**totosaga** · 28-11-2013 11:13 AM

موضوع clutch over heat ده بسبب انك وانت واقف مثلا في الزحمة ما بتجبش العربية على N فالعربية بتسخن زيادة والحل بسيط عموما اول ما تقف تجيب العربية على N و بالنسبة لموضوعbox unavailable gear كان فيه واحد صاحبي حصله الموضوع ده وغير البوجيهات بس كانت في برافو .عموما انا مش عارف عتروح التوكيل ازاي بعد اللي سامعناها انه اساسا اتغير و مفيش اي معلومات عن الجديد .

**abo_salah** · 30-11-2013 03:10 PM

توكيل (( صيانه)) اوماترا شغاله عادي

**marko polo** · 30-11-2013 04:24 PM

بص يا باشا كان فى موضوعين عاملهم عضو اسمة ahmedshawki
بعنوان Gear UnAvailable in Grande Punto 2009 Dualogic
والموضوع التانى باسم Check Transimission Grand punto
اقراهم وادعى لاحمد شوقى
وشكرا

**abo_salah** · 01-12-2013 05:02 AM

باشاااا هي العربيه sports package.......????
محتاج مساعدتك ياااااريت تقوللي بيظهر في الكاسيت عندك aux ولا لا حتي لو انت مش مركب وصله ... ولو امكن تصورهالي
لاني عندي مشكله في التوكيل بسبب الموضوع ده ومش عايزين يصلحوه ..... معلش هو طلب رخم

**mano29071991** · 03-12-2013 03:29 PM

المشاركة الأصلية كتبت بواسطة abo_salah

باشاااا هي العربيه sports package.......????
محتاج مساعدتك ياااااريت تقوللي بيظهر في الكاسيت عندك aux ولا لا حتي لو انت مش مركب وصله ... ولو امكن تصورهالي
لاني عندي مشكله في التوكيل بسبب الموضوع ده ومش عايزين يصلحوه ..... معلش هو طلب رخم

هي اسمها racing package و مفهاش و aux