مشكلة في علبة الباور - باسات 2000

**minabiko** · 27-11-2013 10:46 PM

عندي مشكلة في علبة الباور باسات موديل 2000 1600 cc أتوماتيك .. المشكلة أن العلبة بتجيب زيت من كل حته ومغرقه الحوض ومش عارف امشي بيها ... لما سألت قالولي أني افك العلبة واعملها طقم إصلاح ( جوانات وجلب والكلام ده ) مع العلم أن العربية ماشيه 187 الف كيلو ... فمش عارف أعمل الكلام ده ولا اجيبها استيراد ولا جديد وهيبقي سعرها كام وايه الأفضل .. وهل فعلا أني علشان افك العلبة لازم أحل المكنه ؟

وفي مشكله تانية أن العربية من فترة كده بدأت احس انها مفكوكه من قدام في المطبات وعرفت أنها ممكن تكون جلب المقصات وأني لازم أغير المقصات ( الـ 8 مقصات ) فعايز اعرف اسعرهم ايه وايه الحل

ومتشكر جدا لكل الاعضاء اللي هتحاول تفيدني

**eng.salama93** · 28-11-2013 12:20 AM

8 مقصات ... ازاي بس ممكن توضيح ؟

**dedo_ryo** · 28-11-2013 12:51 AM

المشاركة الأصلية كتبت بواسطة eng.salama93

8 مقصات ... ازاي بس ممكن توضيح ؟

لان الباسات دي الماتور بالطول و الجر أمامي فليها افتكاسه في العفشه الاماميه و هنا تيجي مشكله لما تحتاج صيانه فيها ال8 مقصات بيتغيروا مع بعض علشان تاخد افضل نتيجه من الاصلاح اللي انت عملته و يبان الشغل فيها

**eng.salama93** · 28-11-2013 12:55 AM

يعني انتا متأكد من حكاية 8 مقصات دي ؟

**iBiZa** · 28-11-2013 02:11 AM

العربيه فيها 8 مقصات بس لازم تفك و تشوف مين فيهم اللى محتاج تغيير.
انا مش فاهم انت قصدك على طرمبه الباور ولا الخزان اللى فوق ؟؟

**saddam** · 28-11-2013 04:16 AM

صديقي المواطن
قولا واحدا لو مش عايز تفتح حتجيب علب زيوت باور إما جنك اﻷمريكية أو بارز ستوب ليك بخاصية القضاء على ترشيح البور ستوب ليك وتجيب بتاع 3 علب الوحده بحدود 50 جنيه تحطها بس لازم تستعمل العربية وهو إن شاء الله حيقفل معاك ولا تحل مكنة ولا طقم إصلاح ولا هم يحزنون حتحط واحد وحتستعمل العربية عادي وتقعد كل يوم تزود لغاية ما كل الترشيحات تقفل
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**eraser** · 29-11-2013 03:45 PM

المشاركة الأصلية كتبت بواسطة iBiZa

العربيه فيها 8 مقصات بس لازم تفك و تشوف مين فيهم اللى محتاج تغيير.
انا مش فاهم انت قصدك على طرمبه الباور ولا الخزان اللى فوق ؟؟

قصده عالاسكاترا تقريبا عشان انا عندى نفس المشكلة بس انا لسه محلتهاش
زودت الزيت مرة ومنقصش تانى قولت اسيبها زى مهيا
على فكرة انا لقيت زيت كويس للباور febi المانى وتخليقي ومطابق لمواصفات vw

**minabiko** · 29-11-2013 09:31 PM

انا آسف يا جماعه علي عدم التوضيح >> المشكلة في علبة الدركسيون ( ضربت زيت من ناحية البارات من جوه كدا الزيت علي الكرتيرة من الناحيتين ) يعني طرمبة زيت الباور سليمة بس الزيت بيخرج من علبة الدركيسون من عند الكبالن كدا
والمشكلة اللي في المقصات من الجزء اليمين اللي قاعد جنب السواق تحس العربية مفكوكة في المطبات من الناحية اليمين ...
ولكم جزيل الشكر علي محاولاتكم لمساعدتي

**minabiko** · 29-11-2013 11:51 PM

ياريت يا جماعه حد يفيدني أعمل ايه في الاسكاترا دي "علبة الدركسيون" لاني بجد مش عارف امشي بالعربية نهائي لانها مش بترشح زيت دي بتصفي الزيت تماما وطبعا علشان اصلح لازم عربية انقاذ وتروح الحرفيين >> بس انا عايز اعرف اعمل ايه بالضبط " أفك واشوف الاويل سيل والجوانات اللي في العلبة " ولا اجيب إستيراد ولا جديد ومتوسط الاسعار هتبقي ايه علشان اعمل حسابي

**iBiZa** · 30-11-2013 12:15 AM

انا من رأيي انك تغير علبه الدركسيون و تجيب استيراد من الشهاب عشان انضفهم بس غالى. و علبه الدركسيون لو بايظه بتبان علاطول اول ما تركب.

الاسعار مش عارف دلوقتى بس لفه حلوه فى ساعه هتلم الدنيا.

الجديده هتخش فى كذا الف.

الموضوع: مشكلة في علبة الباور - باسات 2000

LinkBack

أدوات الموضوع

عرض

-

-

-

-

المواضيع المتشابهه

مين يعرف حد متخصص تصليح علبة الباور

علبة الباور نفسى حد يفدنى

علبة زيت الباور

في حاجة زي ما تكون زيت او شحم على علبة الباور

علبة الباور بتجيب زيت

الكلمات الدلالية لهذا الموضوع

المفضلات

المفضلات

ضوابط المشاركة