الموضوع: ايه الفرق بين الاسطوانة و الديسك و بلية الدبرياج و بلية الفتيس

السلام عليكم معى سيارة بولو 2001 اشتريتها منذ شهرين تقريبا و اختبارتها عند الميكانيكى قبل الشراء و علمت ان فى الفتيس ونه و اخبرنى انه محتاج يتغير بعد فترة المهم اشتريت السيارة و بعد فترة بدا يظهر صوت خشانة لا اعلم من اين ياتى فذهبت للعفشجى فقام برفع العجل على الكوريك و قام بلف العجل بيده فقال لى دى عايزه بلى يا استاذ المهم روحت اشتريت بليتن كورام ايطالى و ركبهم على المكبس و ركبهم فى السيارة و مشيت طبعا الصوت مراحش وبعد شهر رجعت لنفس العفشجى تانى!!!!!!!!!!!! قلتله نفس المشكلة لسه موجوده برضه رفع العجل بالكوريك و عمل نفس الاختبار اليدوى و قالى البلى مضروب قلتلهه بص على العجل الخلفى رفع برضه قاللى فى عجلة خشنه هاتلى بلية خلفى روحت زى الشاطر جبت بليتين امامى اسمها تكنو المانى و بليه خلفى اسمها مايلى و رجعتلوا قام مركب البلى الامامى و جه يركب البليه الخلفى اكتشف انها على صرة قمت رايح مرجع البلية الخلفية وجبت صرة جديدة ملهاش ماركة و قام مركبها و سميت بالله و طلعت اول ماطلعت لقيت نفس الصوت مفيش اى فرق تانى يوم روحتله اقله لسه نفس الصوت رررررفع العربية تانى وحرك العجل بايده و قالى البلى مضروب قمت سايبه و رحت لعفشجى كان تايه على بالى رفع العربية رفع العجلتين الامامى فردة فردة وقعد وقفل الزجاج وداس بنزين جامد و جرب برضه فى الفردة التانية نزل من العربية قالى الصوت ده مش بلى ولا كاوتش ده الفتيس بالليل روحت لواحد متخصص فتيس ركب و جرب قالى الفتيس لازم يتغير قولتله يعنى ده مش اسطوانة و ديسك او بلية دبرياج رغم انى مش فاهم الفرق فيياريت حد يفهمنى انا محتاج اغير ايه بالظبط فتيس ولا اسطوانة و ديسك و لا بلية دبرياج و لا بلية فتيس و لا بلية الفتيس هىاهيا بلية الدبرياج و لا ايه انا معنتش فاهم حاجة

هيا ايه بليه الدريك دى ؟ ومكانها فين ؟
انا فى صوت ونه والعربيه واقفه وبيروح لما ادوس دبرياج ويرجع لما اشيل رجلى
غيرت بليه واسطوانه وديسك ( بس عشان الاسطوانه انكسرت مش عشان الونه ) وبرضه صوت الونه موجود