الموضوع: صفاره الفرامل

حاجه اخيره نسيت اقولها

الكلاكس اللي في الدراع ده اعتقد انها ميزه مش عيب
خصوصا لما تكون ماشي بالليل حتلاقي ان مكان الكلاكس ومكان الرعاش ""النور يعني"" في دراع واحد فبيكون احسن بكتير :)

بس بصراحه الدراع ده فيه كل حاجه الكلاكس والرعاش وانوار العربيه والفوج والاشارات يمين وشمال
فربنا يستر عليه :0002014a::0002014a:

المشاركة الأصلية كتبت بواسطة neemmohamed

بالنسبة للتكييف ... تاكد ان البكرة الخاصة بدوران الهواء مغلقة على اتجاه السائق بمعنى ان الهواء يدور داخل العربية و ليس من الخارج و كمان ان العربية سخنت تمام و بعد كدا شغل التكييف عشان تضمن افضل اداء

صفارة الفرامل اعتقد ان ده شىء قليل الحدوث و ها يختفى مع الاستخدام القريب (ممكن من التراب )

كمبيوتر الرحلات بتقلب بين الشاشات فيه بضغطة واحدة سريعة .... و لو عاوز تصفر العداد تجيب الاول شاشة عداد الرحلة (غير العداد الاجمالى الثابت) ثم تضغط ضغطة طويلة للتصفير

بالتوفيق

معلش مش فاهم ايه البكره الخاصه بدوران الهواء مغلقه اتجاه السائق ؟؟
تقصد الدايره بتاعت التكييف اللي بتتفتح عشان الهواء يطلع منها ؟؟
وهي بتطلع لاتجاه واحد !
ولا حضرتك تقصد حاجه تانيه ؟؟

وبالنسبه لكومبيوتر الرحلات بغير فيه بضغطه واحده بيغير
لكن لما اجيب شاشه عداد الرحله ""غير العداد الاجمالي الثابت""
اجي اضغط ضغطه طويله مع بدايه الضغطه بلاقيه غير العداد وجاب العداد اللي بعده
وبستمر في الضغط مفيش حاجه بتحصل

جربتها اكثر من مره الضغطه الطويله في بدايتها بيتغير العداد ومفيش حاجه بتحصل :/

المشاركة الأصلية كتبت بواسطة dr.karim emam

عشان تصفر اي عداد بتجيب العداد اللي عاوز تصفرة و بعدين بتضغط على الدراع اللي طالع من لوحة العدادات ضغطة طويلة

البكرة الخاصة بدوران الهواء دي هتلاقىها لازقة تحت البكره بتاعة سرعات مروحة التكييف, هي بتتحرك تلت دايرة بس يمين أو شمال, عندك اختيارين, واحد عليه سهم في اتجاه واحد و ده بيجيب الهواء من بره العربية و التاني عليه سهم لافف زي رسمة ال u-turn و ده بيدور الهواء اللي جوه العربية بس

اها تمام انا كنت بحسب بصفر العدادات بالزرار بتاعت تغيير الوظائف نفسه
كده تمام :)


وبالنسبه للتكييف حبقي اشوف البكره دي
بس هو عموما انا لما جربت اشغله كان في هواء طالع من فتحات التكييف عادي بس طالع هواء عادي مش ساقع يعني مع اني عليت السرعه ل4 :)
ححاول اجربه تاني ان شاء الله :)