الأوبترا بتسخن .... خنقتني بجد

**Hosam_fouad** · 29-11-2013 09:36 PM

العربيه دي خنقتني محدش ياخدها ويديني بدلها توك توك ؟ (اوبترا 2007)

كان عندي مشكله في الباور غيرت زيت باور وزيت للعربيه . . . فلقيت المايه ناقصه (رغم كدا العربيه مكانتش بتسخن ) زودها حوالي 3 لتر

المهم العربيه مش بتسخن اول لما ابطل العربيه والمروحه تقف عداد السخنيه يبدأ يزيد ويوصل لحد الشرطه اللي بعد النص

قولت اكيد المايه ناقصه .... اشتريت جركن 4 لتر من موبيل زودت حوالي 2 لتر كمان مايه

النتيجه النهائيه .... العربيه بقيت بتسخن وانا واقف والعربيه دايره لكن وانا ماشي العربيه مش بتسخن

ولما ابطل العربيه الحراره بتدأ تزيد

رغم ان
- المروحه شغاله (بس حيت انها مش بتطل بسب السخونيه)
- مفيش تسريب مايه
- المايه كانت مظبوطه
- طرمبه المايه لسه مغيرها من حوالي 15 الف كم وكانت اصليه
- الريداتير لسه مغيره من سنه تقريبا وسليم

المشكله دي عكنننت عليا وانا راجع ..... علشان مش عارف المشكله في ايه :[

(ملحوظه اول مره اخد بالي منها علشان وقفت كتير في نفس المكان وانا بزود مايه الجاكمان بينزل مايه .)

**ysamerlabib** · 29-11-2013 10:26 PM

حقولك حاجة:
الفصل ده حصل معايا (بس في العربية القديمة وكانت اكسنت) وطلع عندي نفس العيب ده
طلع العيب من حاجتين ب 50 جنيه وقتها (حوالي سنه):
1- غطاء الريدياتير (القربة) ماكنش مظبوط فلما العربية كانت بتسخن كانت الميا بتتبخر
2- في طبة في الردياتير من تحت كانت بتسرب حاجة بسيطة لما العربية تسخن

بص على الحاجتين دول الاول مش حتخسر حاجة

**Hosam_fouad** · 29-11-2013 10:40 PM

المشاركة الأصلية كتبت بواسطة ysamerlabib

حقولك حاجة:
الفصل ده حصل معايا (بس في العربية القديمة وكانت اكسنت) وطلع عندي نفس العيب ده
طلع العيب من حاجتين ب 50 جنيه وقتها (حوالي سنه):
1- غطاء الريدياتير (القربة) ماكنش مظبوط فلما العربية كانت بتسخن كانت الميا بتتبخر
2- في طبة في الردياتير من تحت كانت بتسرب حاجة بسيطة لما العربية تسخن

بص على الحاجتين دول الاول مش حتخسر حاجة

لا الطبه بتاعه الريداتير مربوطه تمام ومش بتسرب حاجه
وغطا القربه ربطته جامد اوي ....

المشكله العربيه سحنت والمايه مظبوطه :[

حاجه تجنن علشان مش عارف العيب منين ! وياسلام تروح للميكانيكي مش عارف العيب ويشتغلك :d

**saddam** · 30-11-2013 12:10 AM

صديقي المواطن
مفيش حاجة إسمها ربطت غطا الراديتير جامد غطا الراديتير ليه عمر ولازم يتغير وأنا رغم إنك متضايق وحاسس إنك عملت كل حاجة ولكن أنا مصر على الراديتير يتفتح يتنظف أو مرتين فلاش مع جهاز بالبنزينة أو يتغير لو رخيص ويتغير الغطا ويتحط مانع تسرب أمريكي مع المياه الخضراء عشان لو فيه رشح مش شايفه إنت يتلصم
وعطلك لن يخرج عن الراديتير والغطا
أنا عارف إنك مستني حد يدخل ويقلك جوان سلندر والقصص دي بس صدقني معندكش حاجة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**Hosam_fouad** · 30-11-2013 12:16 AM

المشاركة الأصلية كتبت بواسطة saddam

صديقي المواطن
مفيش حاجة إسمها ربطت غطا الراديتير جامد غطا الراديتير ليه عمر ولازم يتغير وأنا رغم إنك متضايق وحاسس إنك عملت كل حاجة ولكن أنا مصر على الراديتير يتفتح يتنظف أو مرتين فلاش مع جهاز بالبنزينة أو يتغير لو رخيص ويتغير الغطا ويتحط مانع تسرب أمريكي مع المياه الخضراء عشان لو فيه رشح مش شايفه إنت يتلصم
وعطلك لن يخرج عن الراديتير والغطا
أنا عارف إنك مستني حد يدخل ويقلك جوان سلندر والقصص دي بس صدقني معندكش حاجة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

عندك حق في دي ان غطا القربه ليه عمر ولازم يتغير
الريداتير اعتقد انه ب1500 او 1600 حرام يتغير وهو سليم

بس في حاجه هتجنني ان المايه كامله وسخنت !

**كابتن أهلاوى** · 30-11-2013 05:00 AM

الراداتير اصلى جديد ب1350....بس اتاكد الاول من غطا القربة احسن

**Hosam_fouad** · 30-11-2013 10:10 AM

المشاركة الأصلية كتبت بواسطة كابتن أهلاوى

الراداتير اصلى جديد ب1350....بس اتاكد الاول من غطا القربة احسن

انا هغير القربه كلها علشان ارتاح منها بالعطا انهارده ..... بس حاسس انه مش هجيب نتيجه

علشان لو العطا فيه مشكله العربيه مش هتسخن طالما المايه كامله .

**mostafablidy** · 30-11-2013 04:59 PM

حصلت معاى فى اللانوس وغيرت القربة والغطاء وبقت 100% والمياة اصبحت لاتنقص بالتوفيق وغير الغطاء والقربة

**Hosam_fouad** · 30-11-2013 07:22 PM

انهارده نزلت الصبح لقيت العربيه المايه فاضيه من القربه .

زودت مايه لحد لحد ما اتكبست وفتحت الغطاء وفكيت طبه الريداتير .... وغسلت بمايه خنفيه (خساره مايه موبيل اللي لسه مزودها ب 140 جنيه :D )

كل شويه الاقي كالعاده الشعب المصري لازم يجي يفتي فيها ويقول اي كلام هري واحد قالي المروحه بايظه .... وواحد بيشاورلي علي كوع الثرموثتات بيقولي دا طرمبه المايه . .

المهم غسلت كويس جدا ومليت مايه حنفيه لحد ما احل مشكله السخونيه

روحت اشتريت قربه وغطا (القربه ب 90 و الغطا ب 30 ) أصلي

ولقيت في خرطوم بينفس شويه فكيت الأفيز وربطه جامد .

ورجعت بيها مشوار حوالي 60 كم ومسخنتش هشوف بكره المايه نقصت ولا لأ

**big_bogh** · 01-12-2013 08:10 PM

المشاركة الأصلية كتبت بواسطة hosam_fouad

انهارده نزلت الصبح لقيت العربيه المايه فاضيه من القربه .

زودت مايه لحد لحد ما اتكبست وفتحت الغطاء وفكيت طبه الريداتير .... وغسلت بمايه خنفيه (خساره مايه موبيل اللي لسه مزودها ب 140 جنيه :d )

كل شويه الاقي كالعاده الشعب المصري لازم يجي يفتي فيها ويقول اي كلام هري واحد قالي المروحه بايظه .... وواحد بيشاورلي علي كوع الثرموثتات بيقولي دا طرمبه المايه . .

المهم غسلت كويس جدا ومليت مايه حنفيه لحد ما احل مشكله السخونيه

روحت اشتريت قربه وغطا (القربه ب 90 و الغطا ب 30 ) أصلي

ولقيت في خرطوم بينفس شويه فكيت الأفيز وربطه جامد .

ورجعت بيها مشوار حوالي 60 كم ومسخنتش هشوف بكره المايه نقصت ولا لأ

سيدي العضو انا كان عندي نفس المشكلة دي و كان فيه خرطوم بيسرب بس لما العربية تسخن
المهم ان الخرطوم كان متنفخ من عند الافىز ربطه كويس و عمل نفس المشكلة تانى
لالالالالالالازم تغير الخرطوم كله بواحد استعمال او جديد ويكون نهاياته سليمة ومش منفوخة و لازم تحط الافيز بتاع العربية يا رب اكون افدتك