رقم العضوية : 135721
تاريخ التسجيل : 27Feb2013
المشاركات : 535
النوع : ذكر
الاقامة : القاهر _ دبى
السيارة: ربنا يسهل الحااال
السيارة[2]: BMW X6m 2012
دراجة بخارية: vspa eg 2011
الحالة :
[overline]
ما الفرق ميكانيكيا بين الفيسبا الصباب والفيسبا القديمة (البستم)؟
مع اني رايت طبعا البستم فى فيديوهات صيانة الفيسبا الصباب .
ولماذا اسعار الفيسبا القديمة اغلى من الفيسبا الصباب ؟
هل الموضوع قوة احتمال ام قوة فى الاداء ام قلة اعطال وعمر افتراضي طويل ؟
اتمنى من الخبراء والمشرفين والزملاء من ذوي الخبرة الا يبخلوا بالاجابة لانى بحث كثيرا عن هذا الموضوع ولم اجد اجابة شافية
ان شاء الله هاحاول افيدك
الفسبا الصباب افضل من الفسبا البستم بس بشرط الصيانه وهحاول افصلك كل شىء
الفسبا البستم جميله وصاجها اقوى من الفسبا اصباب بس برده مشاكلها كتير وعمرتها مكلفه وبتحتاج عمره كل 10000 كيلو تقريبا عمرتها انك بتغير بستم وتخرطه عند الخراط وبتغير بلى الحدافه والاولسهات الخاصه بالحدافه وورق دبرياج واولسيه المنفله وطالما اتغيرت الحاجات دى مع كربرتير جديد وعلبه شكمان جديده بقى الماتور تمام وبيشتغل بكفائه الجديد
افضل زيت ليها يكون زيت فيه لزوجه لان وظيفه الزيت فيها تلين التروس فقط ومالوش اى دور فى غرفه الحريق علشان كده لما الاولسيهات بتبوظ الفسبا بتاكل من زيت الموتور وبتعمل دخنه جامده بتسد علبه الشكمان وفتحه العادم فى السلندر وافضل نسبه زيت على البنزين 200 ملى زيت على كل 10 لتر بنزين والتنك بياخد 7 لتر تقريبا
المشكله ان الحاجات دى مكلفه شويه بس دروريه
اما الفسبا الصباب صاجها اضعف من البستم بس شغال
والماتور اكفاء من البستم وعمره اطول مع احترامى لكل مؤيدى البستم بس بشرط الزيت المستخدم ليها يكون زيت خفيف معدوم اللزوجه وهوضحلك السبب
الفسبا الصباب
اتصنعت اقتصاديه جدا من ناحيه ومكلفه من ناحيه تانيه فاكلها للبنزين قليل لاكن بتحتاج تغير زيت كل 700 كيلو بحد اقصى ولو طولت على الزيت اكتر من كده بتخسر حاجات كتير فى المتور انت فى غنى عنها
اهم حاجهفى صيانتها تغير فلتر الزيت كل 1400 كيلو يعنى غيار زيت عادى وغيار زيت وفلتر
نيجى بقى لمشكله الناس كلها وهى الكاتينه الكاتينه ليها عمر افتراضى وهو 20000 كم وعاده بتكون الفسبا شغاله وزى الفل بس لو ما غيرتش الكاتينه فى الوقت دا بتبقى معرض لعمره كامله للماتور لان الكاتينه لاقدر الله وانكسرت الصباب ممكن يكسر البستم وبكده تبقى محتاجه تغير بستم وطقم صباب وكاتينه واولسيه الصباب اما لو غيرت الكاتينه كل 20000 كم مش هاتحتاج غير تغير الكاتينه والبستم ممكن يمشى معاك حوالى 40000 كم وطبعا حسب سواقتك
كربرتير الصباب يحتاج الى طقم اصلاح كل سنه تقريبا او اكتر حسب نظافتك لفلتر الهوا
يارب اكون قدرت افيدك
منقووول
[/overline]
رقم العضوية : 16344
تاريخ التسجيل : 14Aug2008
المشاركات : 68
النوع : ذكر
الاقامة : cairo
السيارة: hunday
السيارة[2]: toyota
دراجة بخارية: honda
الحالة :
شكرا على المجهود
المفضلات