استفسار عن درجة لونية معينة

**look344** · 30-11-2013 07:23 PM

السلام عليكم

كنت حابب استفسر عن درجة اللون ده - وهى من اعمال ورشة نايل موتورز للدهان
هيا تجمع بين الفضى والاسود
سؤالى لانى حابب اغير درجة اللون الفضى الى عندى للدرجة دى قبل الفحص واروح افحص بيها
بس الدرجة دى ايه فضى ولا من درجات الفضى ؟
وهل ارش الدرجة دى وامشى بيها لغاية ميعاد الفحص بعد 6 شهور ولا اعمل ايه ؟

**saddam** · 01-12-2013 01:58 AM

صديقي المواطن
المشكلة إننا بنتحسس من الردود اللي تخص مواضيع اﻷخ الصديق المواطن المؤسس كربم ذلك إن ده من أعمال الورشة اللي هو مشارك بيها ولكن فيه بديهيات لازم تعرفها اللون ده بيبقه كود لا يقبل غلط مفيش حاجة إسمها فضي بيضرب عليه إسود دي طرق زمان دلوأتي هو راش اللون من رقم المكتوب عالحوض وده لون فيراني وبما إني من كبار كارهي والحاقدين على العربيات الفضي فقولا واحدا ترش عربيتك فيراني وبعدها ب 6 شهور تفحص وتثبت اللون الجديد ولكن فيه درجات كتير أحلى من الفيراني وبما إن عربيتك صغيرة مش حتاخد أكتر من كيلو فمفيش داعي ترش كابسي لا ترضى بديلا عن سكنز ومتخليش حد يشترهولك إياك إنت لازم تشتريه ويتحضر أمام عينك و لو أصريت عاللون ده هاتلي إسم وموديل العربية وخد إذن كريم منير وأنا أديلك الرقم بالمظبوط ولو عايوة درجات أرقى برضو تحت أمرك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**look344** · 01-12-2013 03:30 PM

اشكرك مسيو صدام :)
اكيد درجة اللون محددة بس انا معرفهاش للاسف
ولما قلت هوا لون مركب مش لون صريح لاننى اتعامل مع كوتشينة الالوان ال panton فقط بطبيعة عملى :)
وده شغلى https://www.facebook.com/shadydesign

انما سؤال معلش :)
حضرتك كاره اللون الفضى ليه مع انه لون خامس هوا والذهبى :)
هيا العربية بولو 99 ولو حضرتك عندك اقتراحات لونية جديدة اكون مرحب وشاكر لفضلك
هيا العربية دى تاخد 1 كيلو لون فقط ؟ لو كدا اجيب الاسكينز

**look344** · 01-12-2013 04:34 PM

Mr.sadam

ايه راى حضرتك فى البوية الجلازوريت الالمانى ؟
http://www.glasurit.com/

انا وجدت موزع ليهم فى دمنهور وليه مكتب فى الدقى

**look344** · 01-12-2013 04:34 PM

Mr.sadam

ايه راى حضرتك فى البوية الجلازوريت الالمانى ؟
http://www.glasurit.com/

انا وجدت موزع ليهم فى دمنهور وليه مكتب فى الدقى
http://www.autofinish.5u.com/about.htm