فكرة جديدة للتفييم

**Car's Sniper** · 30-11-2013 08:40 PM

للناس اللى مابتحبش تركب الفاميه على طول
ومن غير رشوة او واسطة
ايه رأيكوا فى تشكيل لوح رفيع من الاكليريك على شكل الستاير الكبس ونحطه مكانها كبس بردو ونفيمه بالدرجة اللى احنا عاوزنها
ونفيم الاكليريك من برا عشان يبقى اقل تأثير للشمس عليه
ومميزاته انه هايدى شكل الفاميه بنفس شياكته ومش هايعيق الرؤية زى الستاير الكبس والاهم انك هاتشيله وتركبه وقت ماتعوز
والاكليريك صعب كسره جدا مع ان اللى يشوفه بيفتكره زجاج بس هو بلاستيك
محتاج اراء الناس واقتراحاتكوا
يعنى لو حد شايف حاجة زيادة سواء مميزات او عيوب ياريت يقولها
وياريت حد يعرفنا لوح الاكليريك اللى فى سُمك ازاز العربية هايتكلف كام ومدى تأثير الشمس عليه

**مهند-النجار** · 30-11-2013 09:12 PM

دة هيبقي بكام
الشتاير الكبس مبتعيقش الرؤية

**amrelsaqqa** · 30-11-2013 09:24 PM

فكرة جميلة جدا بس تفتكر هتكلف كام بالنسبة للاكريليك ؟ وده يودينا لسؤال تانى، مفيش اكريليك ملون يكون جاهز ع التركيب على طول :d

وكمان هتثبته في مكانه ازاى وهيبقى وزنه تقيل ولا خفيف

الستاير الكبس اللى بيخليها تزنق في مكانها السلك المرن اللى في الاطراف بتاعتها ، ده هتعمله ازاى ؟

**Car's Sniper** · 30-11-2013 09:57 PM

المشاركة الأصلية كتبت بواسطة مهند-النجار

دة هيبقي بكام
الشتاير الكبس مبتعيقش الرؤية

ماهو دا اللى نفسى اعرفه
علاء بيه نصر اللى فى قسم الدايو قاللى ان الددبل منه من 80 ل 120 جنيه المتر
بس مش دا المطلوب
المطلوب ارفع حاجة موجودة من الاكليريك لان مش هايبقى فيه حمل عليه

**Car's Sniper** · 30-11-2013 10:09 PM

المشاركة الأصلية كتبت بواسطة amrelsaqqa

فكرة جميلة جدا بس تفتكر هتكلف كام بالنسبة للاكريليك ؟ وده يودينا لسؤال تانى، مفيش اكريليك ملون يكون جاهز ع التركيب على طول :d

وكمان هتثبته في مكانه ازاى وهيبقى وزنه تقيل ولا خفيف

الستاير الكبس اللى بيخليها تزنق في مكانها السلك المرن اللى في الاطراف بتاعتها ، ده هتعمله ازاى ؟

قضيت امبارح والنهاردة فى البحث عن اكليريك شفاف ملون، مالقتش غير ملون بس مش شفاف
وبصراحة المعلومات عنه فى النت ماهى الا عن المطابخ وملاعب الاسكواش والمساحات الكبيرة
مش لاقى معلومات عن اكليريك نوع رفيع ويكون ابن حلال
وطريقة التثبيت على حسب خامة الاكليريك نفسه لانى مامسكتش قبل كدة اكليريك رفيع بس لو طلع لين هاشيل الاطار الجلد اللى عالستاير واركبها فيه ولو طلع مش لين هاقصه سنتى واحد من تحت واحط فيها الجلد المفرغ بتاع الابواب وناوى ان شاء الله اعمله ايد صغيرة كمان بتشد منها لتحت وهاتكون قوية لان فيه فيديو عاليوتيوب بيقول ان اللوحين الاكليريك لما تيجى تلزقهم فى بعض بمادة حقن بيبقوا كأنهم جزء واحد فى المتانة
وهاشوف لو ينفع نقوسه ونخليه بومبيه على شكل الازاز بالظبط ولا ماينفعش مع حتة شريط ليد باللون اللى انت عايزه هايخلى اللوح تحفة
بس اهم حاجة دلوقتى السعر ثم السعر ثم السعر عشان مانبقاش بنضيّع وقت عالفاضى

**amrelsaqqa** · 30-11-2013 10:17 PM

عليك وعلى بتوع الدعاية والاعلان ، بيبقى عندهم خامات لحاجة زي كدة وممكن يقطعهالك بالليزر زي الشكل اللى انت عاوزه بالظبط وبأعلى دقة ممكنة

انا كنت عملت قبل كدة الارضية (المينا) بتاعت لوحة العدادات بلاستيك شفاف عند واحد بتاع دعاية واعلان وكنت بفكر اعمل ستيكر وكدة عشان اظبط الارقام والاضاءة ( الكلام ده في العربية القديمة ) المهم ان الخامات موجودة عندهم وعملت لوحين صغيرين كل واحد حوالى 10*10 سم وبالشكل اللى انا عاوزه بالظبط ومش فاكر كان يا اما الواحد او الاتنين بـ 5 جنيه ، والسمك كان تقريبا 3 ملي

لو لقيت البتاعة دى لسة موجودة عندى هبقى اصورها

**Car's Sniper** · 01-12-2013 04:47 PM

هحاول انزل النهاردة او بكرة اشوف حوار الاكليريك دا ان شاء الله

**momsam** · 01-12-2013 08:12 PM

جميع تخانات الاكريلك فى مصر متواجدة من انتاج مصنع سبيرو
وله عدة فروح وممكن تاخد المقاسات اللى انت عايزها وتديهاله هيقطعها قدامك وتاخدها وتمشي
العنوان 467 شارع الهرم - الهرم - القاهره - مصر التليفونات 02-35690594 الأرقام المختصرة 19926
الواح اكريليك - الواح اكريليك صب - الواح اكريليك شفاف - الواح اكريليك مصدف - الواح اكريليك كريستال - الواح اكريليك معتم - الواح اكريليك معدنى - الواح اكريليك فسفورى - الواح اكريليك دخانى - الواح اكريليك جرانيت - الواح اكريليك ذهبى - الواح اكريليك ارابيسك - الواح اكريليك سبيروكيان وهناك فرع اخر فى عابدين فى شارع متفرع من شارع الشيخ ريحان امام قصر عابدين على ناصيته جامع اسمه كريمة العروسى

**Ramy_2R** · 01-12-2013 08:21 PM

بس مش عملي حيتكسر :)

**Eng . megoo** · 03-12-2013 12:57 AM

يا جماعة ممكن حد يقولي ازاي اعمل مشاركة جديده

الموضوع: فكرة جديدة للتفييم

LinkBack

أدوات الموضوع

عرض

فكرة جديدة للتفييم - انشر الموضوع فى :

-

-

-

-

-

المواضيع المتشابهه

مين احسن واحد للتفييم

فكرة جديدة

فكرة جديدة

فكرة جديدة

الكلمات الدلالية لهذا الموضوع

المفضلات

المفضلات

ضوابط المشاركة