الموضوع: تقرير (صور+فيديو )تغيير اضائه ال 128 بالكامل ................معجزة

النهارده كنت جنب التوفيقيه فقولت اركن وادخل ادور على اى حاجه اشتريها للعربيه اتلسعت 5 جنيه ركن للسايس حار ونار فى جتته ............المهم اشتريت فانوسين امامى مصرى ملقتش غيرهم للاسف ...... وشاسيهين فانوس امامى مصرى بردو للاسف سيئين جدا لابعد الحدود...ولمبتين مكتوب عليهم h4 علبه زارقه مش فاكر اسمهم ايه الصراحه هبقى اتاكد من الاسم واجيبهولكم اللمبه على حسب كلام الراجل 200/260 اول مره اسمع عن الرقم دا .....المهم بدات الفك والتركيب وفعلا فكيت الفانوسين بسهوله بس الشاسيهات خدت وقت شويه لان الصواميل كانت معصلجه شويتين وثانيا كان فيه وصلات ارضى للفوانيس كانت متثبته فى الصموله ال8 اللى بتربط الشاسيهات المهم وانا بركب الشاسيهات الجديده اكتشفت انها زباله الكلبسات بتتكسر بسرعه وقفل اللوك بتاع الفوانيس البلاستك بايظ ومش شغال مكسور غالبا المهم ثبتهم كروكى كدا وركبت عليهم الفوانيس واللمض اى نعم فيهم فانوس اكتشفت انى مركبه مقلوب بعد ما قفلت بس مش مشكله عالجت القصه بالرجلاش شويه على ما افضاله


التكلفه : : 1.. عدد فانوسين (ب38 جنيه) الاتنين 2: عدد شاسيهين تعبانين (ب14) الاتنين بردو 3.. عدد 2 لمبه (ب40) الاتنين


النتيجه : طبعا غير متوقعه لانى عندى علم مسبق بان اضائه ال128 تعبانه مهما عملت بس الصراحه اتفاجئت من النتيجه الصراحه كانت مرضيه جدا بالنسبالى ...العربيه اضائتها فعلا بقت عامله زى العربيات الجديده وبتعمى فعلا والحمد لله باقل التكاليف

ملحوظه: اكتشفت ان الاضائه بتبتدى اصفر بعد كدا بتفتح بس مش بتقلب ابيض بتقوى بس لاقوى درجه من الوضوح ودى حاجه انا مستغرب منها والكلام دا باين فى الفيديو

ودا فيديو يوضح الاضائه فى شارع فيه اضائه من كشاف يعنى كمان مش ضلمه ...


[youtube]https://www.youtube.com/watch?v=sRzfnfh9ols[/youtube]


حبيت انقل ليكم التجربه كما كانت على ارض الواقع للافاده ولوجه الله
تحياتى