الموضوع: ما تم فى صيانة العشرين .

السلام عليكم يا اجمل منتدى :)
من كم يوم عملت صيانة العشرين فى فرع ابو رواش واحد صاحبي خد العربية وداها وعملى الصيانة وهو شغال مهندس فى الفرع هناك وتم الاتي ذكرة

1- تبديل زيت وولف 5w30 .
2- تبديل فلتر زيت .
3-تبديل فلتر هواء.
4-تبديل الاربع بواجي .
5-تصليح صوت زنة فى مروحة التكييف تطلب ذلك فك التابلوه ورجع زي ماكان ما حستش انه اتفك .
6- تبديل بلية الشداد ودي فى الضمان .
التكلفة الاجمالية 530 جنية بدون الزيت .

صديقى المهندس استشرتة فى اني اعمل الصيانات برة التوكيل بسبب التكلفة وهو نصحنى باصرار باني اكمل فى التوكيل لان على اخر التلات سنين العربية بتفتح بؤها وخصوصا فى العفشة قالى كل حاجة فى العفشة فى الضمان ماعدا المساعدين وتمن الكوبلن فى حدود 1800 الى 2000 جنية فبدل ما تطلع برة الضمان توفر مبلغ فى الاخر هتصرف اضعافة علشان برة الضمان
صراحه لما دورت على المواقع لقيت الاسلم اني اجيب قطع الغيار من التوكيل حتى لو هعمل الصيانة برة يبقى كل الفرق الضريبة وفرق المصنعية وطبعا الجودة للتوكيل وخاصتا ان القطع اللى بيركبها بيبقالها ضمان والفرق فى الاخر ما يستحقش فرجعت عن الفكرة وكملت مع التوكيل وربنا يقدرني على اتعابة :) لو فى اي استفسار اكون سعيد بالاجابة علية .

المشاركة الأصلية كتبت بواسطة lozaregypt

سعرالزيت كام ونجيبة منين وكام كليلو للاتو
وهل هو احسن من توتال وشكرا

انا جبت الاربعه كيلو بعد الخصم على المنتج بدل 325 جنية بقى 308 جنية
جبتة بالتلفون على رقم تلفون 19728 عملت الاوردر وجالى لحد عندي عربية فان عليها علامة وولف وفيها اتنين لابسين تيشيرتات وولف واخدت الزيت بفاتورة .
بالنسبة لكام كيلو للاوتو معرفش الصراحة بس هما فى التلفون بيسال نوع العربية وعاملة كام كيلو والزيت اللى فيها اية دلوقتى وهو هيقولك كام كيلو والنوع المناسب لعربيتك
بالنسبة هو احسن ولة توتال ما اقدرش اقول فى فرق يذكر الاتنين تقريبا واحد .