الموضوع: حد عندوا معلومات عن شراء قطع غيار من الebay

سلامي لكل السكوداوية
انا شفت كاسيت للفنتازيا العريض التاتش على الebay الاسالة الي في بالي هل لو البايع بيوصل دولي حيكون في رسوم جمركيه او اي حوارات اخرى ولا حتوصل عادي؟

بص ياباشا
انا على طول بشتري حاجات من ebay تقريبا كل شهر بشتري حاجه اة اتنين ليا ولاصحابي
ده ملف فيه اسعار الجمارك في مصر وضريبة المبيعات واذا كان فيه عرض على جهة معينة ولا لأ
Copy of Customs Duty.zip | PutLocker

اهم حاجه يكون البائع عنده سكور كويس وشوف الfeedbacks وياريت لو على نفس الحاجه اللي هتشتريها
بص على الصور اللي هو حاطيتها للمنتج كويس واقرا الـ De......ion كويس واتأكد ان دي الحاجه اللي انت عايزها
بعد كده خطوة الشحن
لو البائع بيشحن لمصر يبقى تمام
هتحط في العنوان اقرب رقم بريد ليك ورقم تليفونك وابعت رساله للبايع اكد عليه انه يحط رقم تليفونك على بوليصة الشحن علشان الحاجه اللى بتجيلك على البريد المصري مابتجيلكش لحد البيت
انت بتروح تستلمها بعد مابتصلوا بيك
طيب لو البائع مابيشحنش لمصر
ارامكس بتقدم خدمة اسمها shop & ship
لو اشتركت معاهم بتديك عناوين في كذا دولة منهم امريكا وبريطانيا والصين مدى الحياة والاشتراك مش عارف كام
انا لما اشتركت كان من كذا سنة كانوا عاملين عرض وفتحت صندوق ب50 جنيه تقريبا على ما اتذكر
كل ما عليك انك لما بتشتري حاجه بتحط العنوان اللي واخده من ارامكس وهما بيتسلموه مكانك وبيجبهولك لحد عنوانك في مصر وهما محترمين جدا واريح بكتير من الحاجات اللي بتجيلك عن طريق البريد
وبيحاسبوك كالاتي
12 $ اول نص كيلو وكل نص كيلو زيادة ب9$
يعني لو شحنه كيلو بتدفع 21 $ وبتاخد وصل بيهم من ارامكس
بالاضافة لمصاريف الجمرك وضريبة المبيعات وبيجبولك وصل من الجمارك بيهم
+ 50 جنيه مصاريف تخليص لأرامكس

نصيحة اخيرة
لو الحاجه موجودة هنا زيادة حاجه بسيطة عن بره يبقى هاتها من هنا
مش علشان الحاجه ممكن تجيلك بايظة لاقدر الله
بس علشان انت تشوفها بنفسك وتتأكد ان ده اللي انت عايزه
انا ليا حوالي 3 سنين بجيب من بره والحمد الله مفيش حاجه جات فيها مشكله الا مرات معدودة زي مره اشتريت حاجه مستعملة كان فيها عيوب زي خدوش مثلا مش ظاهره في الصور ومره تاني انا اللي فهمت الـDe......ion غلط
وحصل مره اني كنت جايب حاجه عن طريق البريد وماوصلتش واخدت فلوسي تاني
ولو عايز اي مساعدة انا تحت امرك