لمبة البطارية نورت

**wama00** · 03-12-2013 01:18 AM

رجالة اوبل حبايبى, رغم انى بعت العربية الاوبل وجبت نيسان لكن ما بقدر ابعد عن القسم ده ومتابع اخباره على طول,,, والله كانت احلى حاجة فى الاوبل المنتدى بتاعها هنا :)

دلوقتى عندى سؤال سريع كدة, لمبة البطارية فى التابلوة منورة من امبارح والعربية شغالة عادى مفيش اى مشكلة (قبل ما تنور اللمبه كان الكلاكس فصل وشيكت عليه لاقيت السنه اللى فى الكلاكس نفسة اللى بيدخل فيها السلك اتكسرت) و شيكت على سلوك البطارية الصبح لاقيت كابل الارضع مهزوز وكان شبه واقه من مكانة فركبتة وعملت مشوار حلو لكن اللمبة لسه منورة شلت الكابلات شوية وركبتها تانى برضة اللمبة لسه منورة , حد يعرف ده سببة ايه؟؟علما انى سبت العربية من بالليل لحد الصبح يعنى حوالى 14 ساعة ودارت عادى كنت متخيل البطارية هتنام.

**medo111** · 03-12-2013 03:51 AM

ممكن يكون الدينمو شحنو ضعيف

**svneleven** · 03-12-2013 04:49 AM

و ممكن يكون السير بتاع الدينامو مرخي شوية.

**sakr_skoda** · 03-12-2013 11:00 AM

كتاوت الشحن اللى فى الدينمو ممكن تكون السلكة بتاعته مش راكبه مكانها....*

**فادى محمد** · 03-12-2013 11:24 AM

اهلا بيك ياباشا ..
بيتك ومطرحك..
قيس شحن الدينامو .
لازم يكون بين 13,6 الي 14,3 فولت
اقل من كده يبقي عند مشكله في الدينامو
او كتاوت الشحن الداخلي بتاعه