متضايق من ارتفاع كورولا 2014 ؟ اعمل شكوى !!

**Mohamed.Hany** · 03-12-2013 10:29 AM

النهاردة و انا رايح شغلي قلت اعدى علي فرع العباسية و أغلس عليهم شوية و اقولهم العربية بتحك مني و انا متضايق (طبعا مش دى الحقيقة خالص العربية حكت مرة واحدة بس في مطب وحش و كنا 3 في العربية و اخدته بسرعة عشان مكنتش واخد بالي منه) بس انا كنت عاوز اعرف هيتعاملو معايا ازاي هل هيهتمو ولا هينفضولي و اعرف اي اخبار عن موضوع تعديل الارتفاع اللي انفرد بيه زميلنا العزيز ابوفندى في موضوعه :
http://www.nilemotors.net/Nile/392524-2014.html

المهم اشتكيت لمهندسة الاستقبال فقالت لي هطبع لحضرتك ورقة شكوى تكتب فيها اللي حضرتك عاوزه بخصوص الارتفاع و احنا هنبلغ اليابان بالمشكلة دى .
فسألتها طب محدش غيرى اشتكى قالتلي في ناس اشتكت بس مش كتير و بعتنا الشكاوى و هما بالفعل بيشوفو حل ليها.
فقولتلها هل هيعدلو العربية قالت ايوة و هتبقي حاجة بسيطة و سهلة متقلقش منها و مبتاخدش وقت ولكنها مرضيتش تقولي هيعدلو ايه بالضبط.
وسألتها برضو هل الدفعات الجديدة هتيجي متعدلة قالت للى لأ لان ده خط انتاج مينفعش يتغير و لو كدة هتتعدل في مصر يأما من مهندسين عندنا في التوكيل او متخصص من اليابان وده حسب الاحتياج في الاول عشان يقوم بالتعديل امام الفنيين في مصر .
بصراحة اهتموا و منفضوليش عكس مكنت متوقع, و ديه صورة ورقة الشكوى للي حابب يروح يملاها في التوكيل.

**iUsef** · 03-12-2013 10:44 AM

برغم كل المشاكل اللي ممكن تحصل من العربيه او اي حد في التوكيل بس برضة توكيل محترم بالنسبة لباقي التوكيلات

**تامر.محمد** · 03-12-2013 10:48 AM

موضوع ده خط انتاج ما ينفعش يتعدل ده اونطة اوي

**Mohamed.Hany** · 03-12-2013 10:56 AM

المشاركة الأصلية كتبت بواسطة iusef

برغم كل المشاكل اللي ممكن تحصل من العربيه او اي حد في التوكيل بس برضة توكيل محترم بالنسبة لباقي التوكيلات

بصراحة جدا و حسيته فعلا في مشكلة الجنوب افريقي و طريقة تعاملهم معاها حتي لو العربية برة الضمان

**Eng_hatemfathy** · 03-12-2013 10:57 AM

خط الانتاج بيشتغل باتشات بالمواصفة المطلوبة يعنى كل دفعة ممكن تختلف كليا عن اللى قبلها وعلى سبيل المثال الشارك اللى بتزل مصر اعلى من الشارك بره وبيركب فيها علاية فى المصنع فى اليابان مخصوص لينا فى بلدنا المحروسة بلد المليار مطب

**Mohamed.Hany** · 03-12-2013 10:58 AM

المشاركة الأصلية كتبت بواسطة تامر.محمد

موضوع ده خط انتاج ما ينفعش يتعدل ده اونطة اوي

صح ؟ انا برضو حسيت كده.
مش عارف ازاي بس مثلأ في روسيا بتنزلهم العربية ارتفاعها 15 سم .

**Mohamed.Hany** · 03-12-2013 11:00 AM

المشاركة الأصلية كتبت بواسطة eng_hatemfathy

خط الانتاج بيشتغل باتشات بالمواصفة المطلوبة يعنى كل دفعة ممكن تختلف كليا عن اللى قبلها وعلى سبيل المثال الشارك اللى بتزل مصر اعلى من الشارك بره وبيركب فيها علاية فى المصنع فى اليابان مخصوص لينا فى بلدنا المحروسة بلد المليار مطب

كلا م مية مية , و حلوة المحروسة بلد المليار مطب دي ههههه

**abofandy** · 03-12-2013 11:52 AM

فية ناس كتير اشتكت من موضوع الارتفاع
واتعمل شكوى لتويوتا اليابان
واحد زمايلنا عمل ايميل موقع تويوتا الام
بيشتكى فية من الارتفاع وانا العربية مش متوفرة اوى والاقبال عليها قل بس ارتفاعها السى
وتم الرد علية ان الموضوع تحت البحث الان
وعيزين كلنا نعمل ايميل ليهم علشان يبقى الموضوع جد بحيث لاياثر على الثبات او العفشة
وربنا يعمل الى فية الخير يارب