فى حالة بيع سيارة ورثة والاسرة بها قُصر. ما الاجراءات

**3itta** · 03-12-2013 02:08 PM

فى حالة بيع سيارة ورثة والاسرة بها قُصر. ما الاجراءات
ارجو الافادة من اصحاب التجربة او ذوى الخبرة
وشكرا...

تم نقلة لساحة المرور وموضوعات التأمين فى مصر .

**khaabas** · 03-12-2013 02:47 PM

طالما قصر لازم تاخد موافقة من النيابة الحسبية

**3itta** · 03-12-2013 03:33 PM

المشاركة الأصلية كتبت بواسطة khaabas

طالما قصر لازم تاخد موافقة من النيابة الحسبية

اه منا عارف دى بس ياترى فى خطوات تانية فى المرور واللى هيشترى هيسجل ازاى العقد والكلام ده

**lidosasa** · 03-12-2013 05:17 PM

الوصى على القصر هو اللى بيقدم طلب للنيابة الحسبية للموافقة على بيع السيارة وبعد ما ياخد الموافقة معتمدة ومختومة يمضى على عقد البيع مرة عن نفسه ( لو كان أحد الورثة ) ومرة بصفته وصى على القصر بموجب قرار الوصاية رقم كذا وتصريح المحكمة الحسبية بتاريخ كذا. وبعدين يروح معاك على الشهر العقارى ومعاكم أصل قرار الوصاية للإطلاع عليه وحياخدوا منه صورة وتصريح النيابة الحسبية بالبيع والعقد ويمضى هناك عن نفسه وبصفته أو بصفته فقط حسب ما إذا كان أحد الورثة أم لا .
وبعدها الوصى بياخد الفلوس نصيب القصر ويحطها فى البنك اللى فيه أموال القصر ويروح يودى إيصال الإيداع للنيابة الحسبية وإلا حيقدم للمحاكمة كمتهم بجنحة تبديد