الموضوع: البيجو عملتها على البحر

محدش يفهم العموان غلط
أنا قصدي قلت بأصلها و عطلت و انا ماشي على البحر
أنا معايا بيجو 206 موديل 2001
من فترة بدأت أحس أن بدال الدبرياج تقل و النقلات صعبة
و مرة راح قافش و زوجتي سايقة و العربية وقفت على شريط الترام...لولا ستر ربنا ندوس على البدال مرتين تلاتة يرجع يجمع تاني
المهم ودينا العربية لأحد هجاصين الإسكندرية المعروفين بالميكانيكية
قال العربية تمام زي الفل و مش محتاجة أي حاجة
المهم مشيت فترة بالعربية و المشكلة لسه موجوده و لسه حاسس بالتقل بتاع البدال
و مع الوقت بدأت أسمع تكة و أنا بدوس عليه
لحد إمبارح و أنا نازل من شارع سوريا لقيت الفتيس قافش و صوت التكة زاد
المهم قلت آخد يميني لحسن الموضوع ميطمنش
يدوب وصلت شارع البحر و لقيت البدال بينزل مبيطلعش و العربية بتجري لوحدها من غير بنزين و أول مدوس الفرامل تبطل و تنط لقدام
خدت جمب الطريق و رحت راكن و سبت مراتي و بنتي فالعربية عشان متكلبش لحد مجيب ميكانيكي
المهم...
ربنا رزقني بميكانيكي قريب و دي إعتبرتها من عجايب الدنيا السبع...أنك تلاقي ميكانيكي فحتة زي ستانلي على البحر
الراجل بص على الزيت بتاع الفتيس لقاه كويس
بص على كبل الدبرياج قالي السوستة فوتت و لازم يتغير
رحت جبت كبل دبرياج أصلي من الشراقي ففلمنج ب275 جنيه
حرااااااااام...أنا هبيع العربية قريب
بس ما علينا الحاجات دي مينفعش تجيبها سكة
رجعت للميكانيكي ركب الكبل فحوالي 20 دقيقة و خد 50 جنيه (رزقه بقى)
الميكانيكي قالي الكبل سوستة و فوتت مش رجلاش و هيترفع (طبعا أنا مفهمتش حاجة و قعدت أهز فدماغي)
دي صور الكبل القديم و السوستة اللي فوتت على حد قول الميكانيكي






و ياريت لو حد من خبراء المنتدى يفهمنا طريقة عمله

المشاركة الأصلية كتبت بواسطة Ahmed Amin

الصورة مش باينة

معلش يا باشا أول مرة أرفع صور على المنتدى
بإذن الله لما أرجع من الشغل هرفعهم تاني

المشاركة الأصلية كتبت بواسطة Ahmed Amin

وأنا مش خبير في الموضوع دا للأسف بس واضح إن الكابل بالسوسته شكلهم حاجة محترمة,
مش مجرد كابل بس زي العربيات القديمة أو الحاجات اللي من غير سوسته,
وكابل الدبرياج من الحاجات اللي بتعيش كتير وكويس أنك جبته أصلي, يعني السعر دا طبيعي مش غالي, ,

يا ريت حد خبير فالموضوع ده يفيدنا عشان هتجنن و أفهم طريقة عمله
بس الميكانيكي بن لذينة
جيت أبص عليه و هو بيشتغل
بصلي من فوق لتحت و قالي متيجي تشتغل مكاني أحسن

المشاركة الأصلية كتبت بواسطة Ahmed Amin

ولو كان اللي راكب فيها الأصلي بتاعها من من 2001 لدلوقتي يبقي كتر خيرة بصراحة.!

أنا معرفش هو المفروض يشتغل أد ايه و دي عربية المدام و هي شاريها مستعملة ف2007 مش عارف هل اللي فيها ده الأصلي و لا أتغير بس على العموم العربية عاملة 80000 كم بس

QUOTE=Ahmed Amin;3875318668]ودايماً لما يكون العربية فيها حاجة زي دي, أعمل اللي فيها أول بأول عشان متعطلش بيك في مكان مش مناسب.
خصوصاً لو المدام هيا اللي بتسوق العربية أو هتضطر تسيبها فيها لوحدها.
دايماً خلي أيديك في العربية من أول ما حاجة تبدأ تشتكي, عشان متبوظش منك خالص مرة واحدة.[/QUOTE]
عندك حق
و ده اللي أنا عملته و بعتنا العربية للميكانيكي الأولاني و قال زي الفل مفيهاش حاجة
منه لله بقى