الموضوع: العربية الملاكى ومنجم الذهب

مصر هى الدولة الوحيدة فى العالم تقريباً اللى أهلها فاكرين إن صاحب العربية الملاكى ( أياً كان نوعها ) صاحب منجم دهب يزداد حجم هذا المنجم كلما كان نوع عربيته أنضف وأغلى . من أول السايس ( فى أى حتة تقف فيها لو حتى وقفت قدام مسجد عشان تصلى ولا بقال عشان تشترى حاجة وكان فى المنطقة سايس تلاقيه فى ثوانى رفع المساحات ) لحد الناس اللى ماشية فى الشارع لعامل محطة البنزبن للصنايعية للشحاتين للمرور ( والمخالفات الخيالية الوهمية لدرجة إن أحد الأعضاء فى المنتدى أتعمل ليه مخالفتين فى يوم واحد واحدة فى إسكندرية والتانية فى الآقصر تقريباً تقولش راكب نفاثة ) لقرايبك مروراً بالجيران . لدرجة إنى مرة روحت اشترى لوح إزاز لشباك أوضة تمنه مش حيعدى 15 جنيه لقيت صاحبى قالى إركن العربية بعيد شوية عن المحل عشان لو شافك نازل من عربية حيغلى عليك السعر ليه يا عم دى حتة ماروتى على كده بقى الناس اللى معاها عربيات بحق وحقيقى تعمل أيه تلبس طاقية الإخفا وهى نازلة من العربية يعنى ولا أيه.. يعنى من الآخر إحنا بالنسبة ليهم زكيبة فلوس ماشية على الأرض كله عايز يمد إيده ويعبى ..... وفرختين و ومحدش عارف حاجة