قرار جمهورى بمنع ترخيص سيارات الأجرة بعد مضى 20 سنة على صنعها

**midnightman_74** · 04-12-2013 04:48 PM

أصدر الرئيس عدلى منصور قراراً جمهوريا بالقانون رقم 160 لسنة 2013 فى شأن تعديل بعض أحكام قانون المرور الصادر بالقانون رقم 66 لسنة 1973.

وتضمن القرار الجمهورى المادة الأولى: يستبدل بنص البند "رابعا" من المادة الخامسة من القانون رقم 121 لسنه 2008 بتعديل بعض أحكام قانون المرور بالنص الآتى: يسرى النص بشأن عدم جواز الاستمرار فى ترخيص السيارات الأجرة وسيارات نقل الركاب التى مضت على صنعها عشرون عاما. الوارد بالمادة 4 بند 2 من قانون المرور الصادر عام 1973 بعد مرور ثلاث سنوات من انتهاء الترخيص بالنسبة لسيارات الأجرة وبعد تاريخ 1 – 8 – 2015 بالنسبة لسيارات النقل العام للركاب.

ونشر القرار فى الجريدة الرسمية أمس بعد موافقة الرئيس منصور عليه فى 3 ديسمبر الجارى.

[url=http://www1.youm7.com/News.asp?NewsID=1379239&SecID=65&IssueID=0#.Up9CMX 8aySM]

**lidosasa** · 04-12-2013 04:57 PM

لو الكلام ده إتنفذ حقيقى حنبقى قدام مشهد عجيب
* غليان فى وسط ممتلكى سيارات الأجرة اللى عدى على تاريخ صنعها 20 سنة
* إنهيار سعر إعادة بيع العربيات الأجرة لآن المعروض منها حيبقى كتير دا غير إنها معدومة 20 سنة خدمة شاقة
* إنتعاش كبير فى سوق السيارات الزيرو ( يمكن يكون ده من اهم أسباب القرار من الأساس بإيعاز من توكيلات العربيات فى مصر )
* إقبال تاريخى على تقسيط العربيات فى البنوك ( ويمكن يكون ده هدف من أهداف القرار لآن حالياً الإستثمار شبه متوقف والحاجة الوحيدة دلوقتى اللى بتجيب فلوس للبنوك عشان تفضل فاتحة وتدفع فوايد للعملاء هى القروض وبيع السيارات والعقارات بالتقسيط للمواطنين وكمان شركات التأمين بترزق من السبوبة الكبيرة دى )

**Hosam_Optrawy** · 04-12-2013 05:14 PM

عالبركه , وعقبال مايلغوا التوكتوك نهائى

**Ahmed_Adham** · 04-12-2013 05:38 PM

المشاركة الأصلية كتبت بواسطة lidosasa

* إنهيار سعر إعادة بيع العربيات الأجرة لآن المعروض منها حيبقى كتير دا غير إنها معدومة 20 سنة خدمة شاقة

مش فاهم دي خالص بصراحه. العربيه المعروضه للبيع (اللي مر عليها أكتر من 20 سنه) مش هتترخص اجره تاني وبالتالي خرجت من المعروض لسوق سيارات الاجره واللي فيها الترخيص هوه أهم عامل فس سعرها.

حاسس ان حضرتك مش عاجبك القرار مع ان كل الناس بتشتكي من سوء مستوى المواصلات العامه في مصر سواء مكروباص أو تاكسي أو اتوبيسات حكومه.

رأيي ان القرار ممتاز وهيخلي الشوارع تنضف من العربيات كثيره الاعطال اللي بتشل الكباري يوميا داخل المدن أو على الطرق السريعه وياريت يبقى فيه حاجه زي كده للملاكي.

**Silent~Dream** · 04-12-2013 05:41 PM

يعنى الميكروباصات والعربيات الاجره الى بقالها +30 و عفا عليها الزمن خلاص هتطير

**lidosasa** · 04-12-2013 05:52 PM

المشاركة الأصلية كتبت بواسطة ahmed_adham

مش فاهم دي خالص بصراحه. العربيه المعروضه للبيع (اللي مر عليها أكتر من 20 سنه) مش هتترخص اجره تاني وبالتالي خرجت من المعروض لسوق سيارات الاجره واللي فيها الترخيص هوه أهم عامل فس سعرها.

حاسس ان حضرتك مش عاجبك القرار مع ان كل الناس بتشتكي من سوء مستوى المواصلات العامه في مصر سواء مكروباص أو تاكسي أو اتوبيسات حكومه.

رأيي ان القرار ممتاز وهيخلي الشوارع تنضف من العربيات كثيره الاعطال اللي بتشل الكباري يوميا داخل المدن أو على الطرق السريعه وياريت يبقى فيه حاجه زي كده للملاكي.

مهى حتتباع وتترخص ملاكى وتقرفنا فى الطرق مهى مش حتتعدم يعنى .
وأنا راضى كل الرضى عن القرار من وجهة نظرى لكن لازم نبص للموضوع من وجهة نظر كل الأطراف وخاصة فى ظل الظروف الإقتصادية السيئة للبلاد . مظنش إن قرار زى ده حيلاقى تأيد وسط مالكى سيارات الأجرة وخاصة إن الحكومة بتقرر وبس ومفيش مساعدات ولا تسهيلات لتنفيذ القرار
لازم نبص لكل الأمور ومن كل الزوايا إحنا وصلنا لمرحلة إن الناس بتسرق غطيان البلاعات واسلاك التليفون وحنفيات المياه واللمبات من المساجد مش عايزين ناخد قرار ونفاجىء برد فعل سىء للقرار فى الشارع

**mo3tazanas** · 04-12-2013 06:22 PM

المشاركة الأصلية كتبت بواسطة hosam_optrawy

عالبركه , وعقبال مايلغوا التوكتوك نهائى

يسمع من بوئك ربنا

-

-

-

الموضوع: قرار جمهورى بمنع ترخيص سيارات الأجرة بعد مضى 20 سنة على صنعها

LinkBack

أدوات الموضوع

عرض

قرار جمهورى بمنع ترخيص سيارات الأجرة بعد مضى 20 سنة على صنعها - انشر الموضوع فى :

-

-

-

-

المواضيع المتشابهه

قرار جمهورى بتخفيض ضريبة استيراد السيارات بنسبة 25%

قرار جمهورى بتخفيض ضريبة استيراد السيارات بنسبة 25%

منع تجديد ترخيص السيارات الملاكي الذي مر على تاريخ صنعها اكتر من 20 سنه

قرار جمهورى رقم 123 لسنة 2008

الكلمات الدلالية لهذا الموضوع

المفضلات

المفضلات

ضوابط المشاركة