صوت ونة

**kabara** · 04-12-2013 08:09 PM

السلام عليكم و رحمة الله و بركاته يا رجالة المنتدي
فيه صوت ونة بالعربية و بتعلي كلما زادت السرعة و مش عارف ده من إيه يا تري بلية الكوبلن عايزة تتغير و إلا إنتو إيه رأيكم و المشكلة مفيش مركز خدمة أو توكيل بأسوان
صني 2010 مانيوال ماشية 45 ألف

**Ahmed Amin** · 04-12-2013 09:05 PM

قبل ما تكشف علي كل دا, نبدأ بالأسباب اللي مش مكلفة وممكن يكون العيب منها واللي هيا الكاوتش,,

غير أماكن الكاوتش, خلي اللي قدام ورا,, واللي ورا قدام.
وخلي اليمين في الشمال, والشمال في اليمين,
وطبعاً أتاكد من الضغط تاني في الكاوتش ويكونو كلهم نفس النقشة,, لو كنت مركب كاوتش نقشتها مختلفة عن باقي الكاوتش هتكون سبب في طلوع صوت ونه معاك.

ولو الصوت لسه مستمر تخلي حد ميكانيكي أو عفشجي يسمع الصوت معاك عشان يقولك طالع منين بالظبط.

**Ahmed Amin** · 07-12-2013 02:49 AM

مستني ردك, وبعد ما تغير أماكن الكاوتش ممكن تروح لميكانيكي شغال في الجديد يبص لك بصة علي زيت الفتيس عشان لو كان ناقص لأي سبب.
ولو كان ناقص متزودوش غير بالنوع اللي مكتوب في الكتالوج فقط ونفس اللزوجة.

**Manchestrawy** · 10-12-2013 03:49 AM

بليه يا باشا : ))

**هيثم عابدين** · 10-12-2013 04:14 AM

السلام عليكم
يا باشا أنا من اسوان برضه و ياريت نتقابل ان شاء الله
لو عجوز تكشف عليها روح لصبحي في بنزينه النيل اللي في موقف الأقاليم حيبص عليها ويجب لك من الآخر

**ahmedomran** · 11-12-2013 12:18 AM

دا بلية عجله ياباشا وهي بسيطه ان شاء الله بس هتروح لميكانيكي علشان يحددلك اي بليه اللي بايظه وتغيرها وان شاء الله كله يبقي تمام

**kabara** · 16-02-2014 09:16 PM

طلعت المشكلة فعلا بلية العجل الأمامي و غيرت البليتين ثمنها ٢٩٠ جنيه ياباني و ٦٠ جنيه مصنعية بس الغريب إنتهاء العمر الإفتراضي علي ٤٥٠٠٠ كم حتي الميكانيكي كان مستغرب وشكرا لمروركم الغريب و الأستاذ هيثم يا ريت فعلا نتقابل