تغيير أسلاك الكهرباء لشقة ؟؟أستشارة

**rockana9112007** · 04-12-2013 08:51 PM

أخوانى الاعزاء محتاج مساعدة منكم

الشقة بتاعت الوالدة الاسلاك الكهربائية تقريبا عمرها الافتراضى خلص ...لان الشقة بيحصل فيها قفلات كتير وجبنا كهربائى قالنا لازم نغير الاسلاك كلها

كنت عاوز استشيركم ..هيا المصنعية بتبقى فى حدود كام ؟؟؟

طيب بالنسبة للاسلاك ..اجيب اسلاك 2 مم ولا اية ؟؟؟

نوعها اية ؟؟؟واعرفة ازاى ؟؟؟ يعنى اعرف المضروب من السليم ازاى ؟؟؟

طيب ازاى اعرف ان الشقة هتحتاج اد اية ؟؟؟ هل فى طريقة للقياس ؟؟يعنى امترها ازاى ؟؟

وكنت عاوز استفسر هو بيغيرها ازاى ؟؟؟ يعنى هل بيشبك السلك الجديد فى القديم وبعدين لما يشد القديم ويسحبة يسحب معاة الجديد وبكدة الجديد ركب ولا اية ؟؟؟؟

معلش طولت عليكم ...بس محتاج حد يفهمنى الموضوع عشان مبحبش الصنايعى ياكل عليا عيش

وجزاكم كل خير مقدما

اخوكم احمد :)

**smsm2015** · 04-12-2013 09:11 PM

فى حاجة اسمها سوستة بيربط السلك الجديد فيها وبيدخله ...

افضل نوع سلك هو سويدى الاصلى وتجيبه من محل جبريل فى العتبه تاخده وانت مغمض ...

بالنسبه للقطر حسب الاجهزه اللى تغذيها يعنى الغسالة بتختلف عن الانارة عن البرايز عن التكيفات وهكذا ....

اهم حاجة فى الموضوع ان المواسير جوه الحيطه تكون سليمة وواسعة علشان يعرف يسحب فيها السلك الجديد ....

بلاش تعمل الشقة كلها على مفتاح واحد فى اللوحة واحسن الانواع مارلين جرين من عند جبريل برده ..

**aw2100** · 04-12-2013 10:01 PM

للاسف اسلاك السويدى بقت دلوقتى بيدخل فيها نسبة من الحديد مع النحاس وتلاقى الأسلاك ناشفة وبتصدى وتسود مع طول الأستخدام انصحك تشترى اسلاك ماركة السمكتين معتمد وتخلى العمومى 2مم والفروع 1.5 مم او 1 مم لو المسافات اقل من 5 متر للوحة التوزيع والسخان الكهرباء والغسالة الأوتوماتيك 3مم بالنسبة للمصنعية بتتحسب بالمفتاح او الدائرة وفى حدود 10 جنية للمفتاح والحسابة بتحسب ارجوا انى اكون افدتك وربنا يقويك !!

**Gelgel2004** · 04-12-2013 10:09 PM

السلام عليكم
مساحة الشقه ايه
المتوسط بتقفيل العلبه المفاتيح و تركيب النجف و التشطيب ب 1500 الى 2200 حسب كميه الشغل
الاحسن السويدى - بجيبه من المصنع - و برجع اللى بيفيض و بيدينى الفلوس تانى - المتبقى يعنى .

الاحمر او الازرق كهرباء و البنى او الاسود الارضى و الاصفر مع الاخضر - مسرب الارضى .

قطر الاضاءه من 1 الى 1.5 ملم و ده كافى جدا
البرايز العاديه من 1 الى 1.5 ملم
القوى بتاعه المطبخ 2 ملم
التكييف من 3 الى 4 ملم حسب المسافة
المفاتيح الاوتوماتيك هاجر او مارلين جراند من 10 امبير للاضاءه و البرايز العاديه
16 للقوى
16 امبير بالكتير للمكيفات من 1.5 و 20 امبير الى 2.25 و 6 امبير لل 3 و حصان.
و متوسط سعر المفتاح 16 الى 19 جم .

تحياتى ..

**Gelgel2004** · 04-12-2013 10:27 PM

المشاركة الأصلية كتبت بواسطة Gelgel2004

السلام عليكم
مساحة الشقه ايه
المتوسط بتقفيل العلبه المفاتيح و تركيب النجف و التشطيب ب 1500 الى 2200 حسب كميه الشغل
الاحسن السويدى - بجيبه من المصنع - و برجع اللى بيفيض و بيدينى الفلوس تانى - المتبقى يعنى .

الاحمر او الازرق كهرباء و البنى او الاسود الارضى و الاصفر مع الاخضر - مسرب الارضى .

قطر الاضاءه من 1 الى 1.5 ملم و ده كافى جدا
البرايز العاديه من 1 الى 1.5 ملم
القوى بتاعه المطبخ 2 ملم
التكييف من 3 الى 4 ملم حسب المسافة
المفاتيح الاوتوماتيك هاجر او مارلين جراند من 10 امبير للاضاءه و البرايز العاديه
16 للقوى
16 امبير بالكتير للمكيفات من 1.5 و 20 امبير الى 2.25 و 6 2امبير لل 3 و حصان.
و متوسط سعر المفتاح 16 الى 19 جم .

تحياتى ..