الموضوع: ارجو الاختيار فى سيارة معاقين

انا ياجماعه عندى عربية نوبيرا 2 موديل 2000 معاقين وفكيت حظرها وقررت ابيعها وهجيب واحدة تانيه الاختيار كالتالى.
1- نوبيرا تانى (سيارة جميلة جدا وقطع غيارها متوفره بغباء وسعرها مناسب )
2- ماتريكس ( الناس كلهم بيشكروا فيها بس انا بصراحه شكلها مش مريحنى ومابحبش هيونداى خالص لله فى لله )
3- لاسيتى اللى هى الاوبترا (الناس بتقول مافيش فرق بينها وبين النوبيرا الا فى الشكل لو كده النوبيرا تبقى احسن وارخص )
4- اوكتافيا (اكيد ممتازه بس اسمع ان قطع غيارها ناااار وبعدين انا ركبتها مع ناس لاقيتها ضيقه مش زى النوبيرا خالص بس ثباتها جامد بس بصراحه ارتاحت فى النوبيرا عنها)
المطلوب من العربية التالى.
تكون واسعه ثباتها كويس انا اخرى فى السرعه 120 وتكون قطع غيارها متوفره وسعرها مناسب
السعر مش فارق معايا لان فى ناس هتقولى على قد الفلوس اللى معايا مش فارقه الحمد لله
اعطالها قليلة ومش معقده
سهلة البيع لان النوبيرا بصراحه باشا فى الموضوع ده انا بعتها قبل ماافك حظرها (اتفقت بس)
انا مشاويرى كلها سفر على فكره كل اسبوع بين المنصورة واسكندرية يعنى اربع مرات فى الشهر
دا غير مشاويرى التانيه
فى سؤال بس ياريت اعرف الفرق بين الماتريكس واللافيتا وهل قطع الغيار واجده ولا فى اختلاف
وايضا اللاسيتى والاوبترا لان النوبيرا اللى معايا كان فى اختلاف بينها وبين المصرى فى الحساسات والبوابه وبعض اجزاء الموتور
علما بان السيارة المطلوبه مانوال لانى مابحبش الاوتوماتيك وشكرا.

المشاركة الأصلية كتبت بواسطة حماده المصري

فكك من النوبيرا وفكك من الاوبترا

خليك في الاوكتافيا والماتركس


عموما الفرق بين النوبيرا المصري والخليجي المتور لانه متور النوبيرا مختلف

ممكن تلاقي نفس الفرق في الاوبترا واللاسيتي ممكن تلاقي موتورهم واحد او تلاقي الاسيتي نازله ب eco tec مش e tec انما باقي اجزاء السياره زي ما هي

تعالى بقى

الماتركس اريح من النوبيرا واريح من الاوبترا وافضل منهم في كل شيء وهاتها اواتوماتك كمان

والاوكتافيا انضف منهم في كل حاجه بقى العيب الوحيد للاوكتافيا القعده ورا ضيقه

والعيب الوحيد للماتركس انه قعدتها عاليا

والله انا بتكلم على النوبيرا من منطلق انى امتلكتها خمس سنوات والله عمرها ماقصرت معايا ولا وقفت منى الا مرتين مع انى هاريها سفر مره الدينامو باظ وغيرته ومروه طلمبة البنزين وغيرتها
فمن حبى ليها عايز اجيبها تانى بس موديل عالى شويه او هاهاجيب لاسيتى على اعتبار انها اخت النوبيرا وفيها كتير منها
الاسكودا طبعا لاخلاف عليها بس فعلا ضيقه وانا اتعودت على الواسع وقطع غيارها نااار
الماتريكس فعلا واسعه بغباء بس مشكلتها الشنطه صغيره ونفسيا مابحبش ماركة هيونداى
فمش عارف اعمل ايه